Begira ezazu Fisika eta Kimika nola aplikatzen diren Magic but real experiments-ekin
Izenburua: Magic but real experiments.
Hezkuntza etapa: Bigarren Hezkuntza.
Ikasgaia: Fisika eta Kimika, Atzerriko hizkuntzak (Ingelesa, Frantsesa).
«Matematika eta zientziak» kategoria berezian saritutako proiektua da hau. Bereziki aipatzekoa da proiektu hau, garatutako kurrikulu-edukiak eta metodologiagatik ez ezik, Errumania, Portugal, Polonia, Lituania eta Espainiako ikasleek lanean erakutsi duten gogoagatik. Fisika eta Kimika arloko praktikak (mugimendua, indarrak, fluidoak, bibrazioa eta uhinak, elektrizitatea eta magnetismoa, materiaren propietateak, erreakzio kimikoak, eta abar) laborategiko hormez harantzago jalgi dira eta aldi baterako ikasleen etxeetan kokatu dira, ikasgelan edota ikastetxeko beste esparru batzuetan, eta azkenean parte hartu dutenek sortutako gune birtualean biltegiratuta geratu dira.
Egin diren esperimentu xumeek eta Fisika eta Kimika irakatsi eta ikasteko era sortzaileagoak aski aldaketa nabarmena ekarri die irakasle eta ikasleei tratatutako gaien zailtasunaren pertzepzioan eta eginkizunei heltzerakoan izan beharreko jarreran; ikasleetako batzuk ausartu ere ausartu dira "edukia azaltze hutsa baino askoz ere modu dibertigarriagotzat" jotzen. Ikus dezakezu hemen jarraian egindako 88 esperimentuen adibide bat:
Nabarmentzekoa da lanak iraun duen artean partaideen artean izan duten koordinazio bikaina. Bai koordinatzaile espainiarrak, Manuel Díaz Escalerak, bai bere ikastetxeko Atzerriko hizkuntza irakasleek (ingelesa eta frantsesa) eta partaide europarrek ere bai, elkarren artean adostuta hartu dituzte erabakiak, idatzirik utzi dituzte lan-planak eta jarduerak aurkezteko eta amaitzeko epeak finkaturik. Eta lan hori guztia IKTen erabilera handiari esker egin ahal izan dute: foroa, posta elektronikoa, gertakizunen egutegia, berriketa, iragarki-taula eta bloga. Azken hau izan da benetako protagonista dokumentuen argitaratze eta hedapenean, eta honekin batera bideo digitala, TwinSpace-ko tresnak, bilaketa-tresnak, irudi digitalen plataformak ere bai, hala nola Flickr, eta abar.
Pozik ikusten du bloga bisitatzen duenak ikasleen parte-hartzea benetan handia izan dela eta ardura berezia izan dutela beren lankide europarrenganako; hala saiatu dira bideo-grabazioak ahalik eta ongien egiten. Laborategiko lanabesez eta proba bakoitzean erabiltzekoak ziren materialez inguraturik jarri dira kameraren aurrean, atzerriko hizkuntza bikainki erabili dute eta probaren inguruko prozesu guztia xeheki, zehazki eta era atseginean azaldu dute. Eta ez dira magoak; Sevillako Sagrado Corazón Ikastetxean daude.
Loturak:
Proiektuaren bloga
Esperimentuen bloga
YouTube-ko kanala
EducaRed A navegar lehiaketa
eTwinning Sariak
- Maths and Earth, matematikak errealitatera aplikatzen
- Like a bird proiektuaren bidez bisita ezazu Europako kultur ondarea
- TRIANGULO, uraren pertzepzioa Iberiar Penintsulan
- Uniting through legends-en bidez elkarlanean ipuinak sortzen
- Schoolovision 2009, eskola Eurobisioa
- Begira ezazu Fisika eta Kimika nola aplikatzen diren Magic but real experiments-ekin
- "Sous le ciel de la compréhension", estereotipoak deuseztatzen
- LED – Learning and Teaching Furniture Design in Europe, altzari bilduma modernoa
- Haurrentzako jarduera erakargarriak. Colours of life: common story written by children
- Creative Commons, lizentzia digitalari buruzko irakaspen berritzailea
- Double-e: e-magazine on European issues, aldizkari digital europarrena
- Searching Twelve Labors to Hercules, irakaskuntza diziplinarteko sortzailearen adibide bat
- Aurki ezazu hizkuntzaren artea CommunicArt proiektuaren bidez
- Izan ezazu egungo Europaren berri Into news! proiektuaren bidez
- Trade and logistics between countries of the European Union, simulazio metodologia
- Haur artearen sustapena, Grandi quadri e piccoli pittori, Koadro handiak eta pintore txikiak
- Planeta zaintzen 50 easy things you can do to save the Earth abiapuntu dugula