Searching Twelve Labors to Hercules, irakaskuntza diziplinarteko sortzailearen adibide bat
Izenburua: Searching Twelve Labors to Hercules.
Hezkuntza Etapa: Derrigorrezkoaren Ondoko Bigarren Hezkuntza.
Gaia: Artea, Latina, Greziera, Historia, Informatika / Teknologia.
Gauza ezin atseginagoa da Estremadurako Vegas Bajas BHIko ikasleek eta haiekin batera Instituto Magistrale Statale G. Lombardo Radice (Italia) ikastetxekoek eta Liceo Ginnasio Statale Q. Orazio Flaccokoek, italiarrak hauek ere, Herkules heroi klasikoaren lanen inguruan sortu duten atazan ibilbidea egitea. Heroiaren inguruan ezagupenaren diziplinetan txokorik txoko egin duten bilaketa xehean topatu dituzte haren aipamenak arte eta pintura adierazpenetan (Zurbarán, Durero), frantses eta italiar zineman (Le fatiche di Ercole), ingurumenean (Sequoia, Kanadan) marrazki bizidunetan (Asterix), telebistan, geografian (Herkulesen Zutabeak), arkitekturan (Herkulesen Tenplua, Agrigenton), Haendelen operan, Elton Johnen musikan, Agatha Christieren literaturan, filatelian, kiroletan eta beste hainbat adibidetan.
Aurkikuntza horiek egin ondoren, kideek beren tresneria sortzaile guztia abiarazi dute eta elkarlanean jardunez lotu dituzte testua, irudiak, argazkiak, bideoak, komikiak, zigiluak, marrazkiak, lotura elektronikoak, hori guztia egiteko webquesta, wikia, bloga eta TwinSpace baliatuz unitate didaktiko berritzaile eta ezin osoagoa antolatzea helburu zutela.
Ikasleek, Herkulesek ez bezala, jarrera erasokorra izan dute proiektuaren aurrean eta heroiari berari ekin diote; inguruan mehatxatzen duten arazoetan irtenbidea topatzeko zenbateko indarra eta nolako abilezia duen erakutsarazi diote: nola konpondu krisi ekonomikoa, Montijon aparkalekurik eza, kaleko zabor-pilaketa edo nola berritu basoa sutearen ondotik? Herkulesek, bere leiendari leial atxirik, eskaini ditu konponbide batzuk.
Embed Embed this video on your site
Eta greziar heroiaren bila ez ezik erakutsi dute gogoa, ardura eta arreta sortutako dokumentu eta materialak argi, erraz eskuratzeko eran kontu handiz antolatzen ere. Elementu horiek guztiek egiten dute Searching Twelve Labors to Hercules proiektu original, entretenigarri eta oso erakargarri; ez zenuke ikusi gabe eta gozatu gabe utzi behar.
Material sorkuntza ugariari dagokionez, nabarmendu eta azpimarra daiteke IKTetan egin den erabilera handi eta zabala, besteak beste, Scribd, Ivoox, Wikipedia, Slideshare, Google Maps, Bubbl, Pikistrips, Dipity, e-encuesta, xtimeline, Youtube, Flickr, Pixton, Comiqs, Mypodcast, Issuu, etab. Adibide ona da edozein gairen kurrikuluan teknologiak nola integra daitezkeen erakusteko; gainera, eTwinning 2010 Sari Nazionala jaso duen proiektua da.
Loturak:
TwinSpace-a
eTwinning Sariak
- Maths and Earth, matematikak errealitatera aplikatzen
- Like a bird proiektuaren bidez bisita ezazu Europako kultur ondarea
- TRIANGULO, uraren pertzepzioa Iberiar Penintsulan
- Uniting through legends-en bidez elkarlanean ipuinak sortzen
- Schoolovision 2009, eskola Eurobisioa
- Begira ezazu Fisika eta Kimika nola aplikatzen diren Magic but real experiments-ekin
- "Sous le ciel de la compréhension", estereotipoak deuseztatzen
- LED – Learning and Teaching Furniture Design in Europe, altzari bilduma modernoa
- Haurrentzako jarduera erakargarriak. Colours of life: common story written by children
- Creative Commons, lizentzia digitalari buruzko irakaspen berritzailea
- Double-e: e-magazine on European issues, aldizkari digital europarrena
- Searching Twelve Labors to Hercules, irakaskuntza diziplinarteko sortzailearen adibide bat
- Aurki ezazu hizkuntzaren artea CommunicArt proiektuaren bidez
- Izan ezazu egungo Europaren berri Into news! proiektuaren bidez
- Trade and logistics between countries of the European Union, simulazio metodologia
- Haur artearen sustapena, Grandi quadri e piccoli pittori, Koadro handiak eta pintore txikiak
- Planeta zaintzen 50 easy things you can do to save the Earth abiapuntu dugula