Creative Commons, lizentzia digitalari buruzko irakaspen berritzailea
Izenburua: Creative Commons
Hezkuntza Etapa: DBHko Bigarren Zikloa eta Batxilergoko Lehen Maila.
Ikasgaia: Informatika / Atzerriko hizkuntza / Teknologia / Hizkuntza eta Literatura
eTwinning-en filosofia jasotzen duen proiekturik izatekotan Creative Commons da hori, bere izenburuaren esanahi bikoitza nabarmen eta aipatzekoa den proiektua: batetik, argitaratze eta edizio digitalerako lizentzia mota bat da, eta, bestetik, komunikatzeko eta taldean elkarlanean emaitzak sortzeko era kreatiboa.
Hala, Immaculata Instituut (Bélgica) eta IES Joaquín Costa (España) ikastetxeek egindako lanean nabarmena eta aipatzekoa da ikasle eta irakasleek Web 2.0. tresnaren bidez sortu dituzten atazetan erakutsi duten sormena.
Bi ideia horiek lotzeak bidea errazten du eduki eta helburu formalak baino harantzagoko aspektu batzuk lantzeko, hala nola, jabego intelektualari zor zaion errespetuak duen garrantziaz ohartarazteko, eta sarean gure eskura ditugun eta guk besteen eskura ipintzen ditugun baliabideak erabiltzen erantzukizunez jokatu beharraz.
Norabide horretan, ikasle bakoitzak aurkezpen-blog bat sortu eta zaintzeko ardura zuen, eta blogean norberaren deskribapen laburra egin, argazki-galeria sortzeko, musika gustuei buruzko iritzi-bilketa, eta abar.
Proiektua ariketa hauek biltzen zituzten hamar ataletan antolatu zen: Sor ezazu zeure bloga WordPress baliatuz; sar ezazu zure blogaren goiburuan irudi bat; sar ezazu Rock You-ren bidez egindako aurkezpen bat; idatz ezazu artikulu bat zure blogean; erants ezazu zenbatzaile bat; alda itzazu zure kideen argazkiak; erabil ezazu RSS berri-sindikatzailea; sailka itzazu Google-en gehien baloratuak diren edukiak; erants ezazu inkesta bat; sor ezazu fim bat soinu eta guzti; eta egin ezazu ebaluazioa. Horretarako, toki bat eskaini zitzaien, lana erraztuko zieten baliabide libreak bertan topatu ahal izateko eta tutorial bat ere bai baliabide horiek trebeki erabiltzen ikasteko.
Jarraian Creative Commons lizentziak ezagutarazi eta horien erabilera bultzatzea helburu duen ariketa baterako lotura bat aurkezten dugu
Amaitzeko, esan dezagun nabarmena dela proiektu honetan iraunkortasun gogoa, hala, sortu diren materialak beste ikas-maila batzuetako ikasleekin erabili ahal izango baitira eta Web 2.0. programan hasten interesa duten irakasleekin ere bai. Horregatik guztiagatik eman zaio proiektu honi 2010eko Sari Nazionala. Ikus dezakezu ikastetxe espainiarraren argitalpen digital bat hemen.
Loturak:
eTwinning Sariak
- Maths and Earth, matematikak errealitatera aplikatzen
- Like a bird proiektuaren bidez bisita ezazu Europako kultur ondarea
- TRIANGULO, uraren pertzepzioa Iberiar Penintsulan
- Uniting through legends-en bidez elkarlanean ipuinak sortzen
- Schoolovision 2009, eskola Eurobisioa
- Begira ezazu Fisika eta Kimika nola aplikatzen diren Magic but real experiments-ekin
- "Sous le ciel de la compréhension", estereotipoak deuseztatzen
- LED – Learning and Teaching Furniture Design in Europe, altzari bilduma modernoa
- Haurrentzako jarduera erakargarriak. Colours of life: common story written by children
- Creative Commons, lizentzia digitalari buruzko irakaspen berritzailea
- Double-e: e-magazine on European issues, aldizkari digital europarrena
- Searching Twelve Labors to Hercules, irakaskuntza diziplinarteko sortzailearen adibide bat
- Aurki ezazu hizkuntzaren artea CommunicArt proiektuaren bidez
- Izan ezazu egungo Europaren berri Into news! proiektuaren bidez
- Trade and logistics between countries of the European Union, simulazio metodologia
- Haur artearen sustapena, Grandi quadri e piccoli pittori, Koadro handiak eta pintore txikiak
- Planeta zaintzen 50 easy things you can do to save the Earth abiapuntu dugula