Etwinning

Haurrentzako jarduera erakargarriak. Colours of life: common story written by children

Hezkuntza Etapa: Haur Hezkuntzako bigarren zikloa

 Ikasgaia: Diziplinartekoa

Proiektu honetan hainbat herrialdetako Haur Hezkuntzako ikastetxeak sartu ziren hasieran, Espainia besteak beste, baina, gehienbatean Poloniako ikastetxe batek eta Maltako beste batek garatu dute. Proiektuaren helburua etapa honetako kurrikulua kolorea elementu komun hartuta garatzea da. Berdeak, marroiak, laranja koloreak, gorriak, zuriak, horiak,... agertzen dira ingurumenean, urte-sasoietan, elikagaietan, jokoan, artean, etab.

Haurrek landu eta egindako gauzak ikustea haurren artisautza-tailer batean sartzea da; era guztietako materialak eraldatzen eta modelatzen gozatzen dute artistek: kartulinak, plastilina, frutak, janaria, orbela, mozorro-jantziak, galtzerdiak, musika, postalak, margoak, etab. Horren guztiaren emaitza oso produktu kreatiboak dira eta begia indar handiz erakartzen dutenak, txikienak izugarri motibatu dituztenak. Horrekin batera postalak bidaltzen ere jardun dira, eta, etapa honetan jarduera arruntagoa bada ere, haurrengan gogo bizia pizten du horrek.

Ikasleen adina ez da eragozpena izan IKT tresna batzuk eta besteak baliatzeko: bideoa, vokia, powerpoint, google earth, elluminate, etab. Horiei esker ikastetxe batzuetako eta besteetako ikasleek egin dituzten lanak elkarri bidali eta erakusteaz gain, zuzenean komunikatu ahal izan dira bideokonferentzia bidez eta benetan elkarlanean jardun ahal izan dute: Sjetchfu tresnaren bidez istorio bat asmatu du ikasle bakoitzak, edozein ikastetxetakoa eta herrialdetakoa izanik ere, bere ideiak eman dituen marrazkietan oinarrituta. Ikus dezakezu hemen jarraian:

Embed Embed this video on your site

Lana arreta handiz planifikatzea, gai-multzotan antolatutako wiki bat eta proiektuaren koordinatzaileen artean izan den elkar-hartze handiak Haur Hezkuntzako ikasgeletarako eskuliburu egiten dute lan hau, eTwinning 2010 Sari Europarretako 4 eta 12 urte bitartekoen kategorian saria jasotakoa.

Loturak:

TwinSpace publikoa (TwinSpace lehengo plataforma)

Wikia