Etwinning

Trade and logistics between countries of the European Union, simulazio metodologia

Izenburua: Trade and logistics between countries of the European Union

Hezkuntza Etapa: Derrigorrezkoaren Ondoko Bigarren Hezkuntza - Lanbide Heziketa

Gai: Salgaien Nazioarteko Garraioa (Nazioarteko Merkataritza eta merkataritza-kudeaketa eta marketinga)

Lanbide Heziketako hiru ikastetxek, Berufskolleg für Wirtschaft und Verwaltung (Alemania), ROC Nijmegen (Herbehereak) eta  María Ana Sanz BHIko ikastetxe nafarra, Gustavo Huguet Lafuente irakaslearen ardurapean, burutu dute Trade and logistics between countries of the European Union izenburua duen proiektu hau. Proiektu honetan eskaini zaie ikasleei ekonomia gaiei buruzko hainbat gauza ikasteko aukera, salerosketa eragiketak simulatu dira IKTen bidez kide atzerritarrekin esperientzia trukean jardunez.

Nahiz proiektu honetan ez izan oso nabarmena eta azpimarragarria IKTen erabilera, ikasle eta irakasleek baliatu dute eTwinning plataforma, baliatu dituzte Internetek berezkoak dituen komunikazio-tresnak (berriketa, foroa, posta elektronikoa), programa ofimatikoak (testu-prozesatzailea, kalkulu-orria, aurkezpenak. etab.) eta lineako itzultzaileak. Skype erabili dute elkar hobeki ezagutzeko eta beren kurrikuluan ikasitako hizkuntzaren ahozko jarduna hobetzeko, alegia, ahozko ingelesa hobetzeko. Proiektua nabarmentzekoa da simulazio eta talde-laneko metodologia berri bat abiarazi duelako; horri esker iritsi dute ikasleek lanean integrazio on-ona egiteko beharrezko den prestakuntza. 

Hala, merkataritza- eta logistika-arloak lantzeko esportazio eta inportazio prozesu bat simulatu dute, batean saltzailearen aldean, bestean eroslearenean jarrita. Horretarako honako gai hauek tratatu dituzte: Europako Batasuneko kideen arteko nazioarteko salerosketa; merkatuen ikerkeka; merkataritza-agirien idazketa eta garraioarekin eta salerosketarekin zerikusia duten dokumentuak betetzea. 

Norbera hobekien moldatzen zen jardueren ardura hartu zuten ikasleek: batzuek merkataritza-gutunak idazten zituzten testu-prozesatzaileaz, beste batzuek aurkezpenak egiten zituzten, beste batzuek Internet bidez informazioa bilatu, etab., eta gero, elkarri azaldu ondoren, plataformara igo edo posta eletronikoz bidali. Azken batean, talde-lan ona. Horregatik guztiagatik, eTwinning 2010 Sari Nazionala eman zaio proiektu honi errekonozimendu gisa.

Loturak:

TwinSpace-a