Etwinning

Actividades de colaboración con Voicethread

Voicethread é unha ferramenta para elaborar presentacións nas que poden combinarse imaxes, documentos e vídeos. A posibilidade de  engadir comentarios ás diferentes páxinas da presentación en formato de texto, audio ou vídeo, convírtena nunha excelente aplicación para o desenvolvemento de traballos colaborativos.

No proxecto Let’s give Breath to Earth!, levado a cabo por catro centros de Polonia, Grecia e Reino Unido, podemos ver un exemplo da súa funcionalidade. Neste caso Voicethread permitu que nenos de entre 5 e 7 anos, non só crearan unha historia conxunta  mediante ilustracións, senón que ademais eles mesmos compartiran cos seus compañeiros o que cada unha das viñetas lles suxería, nas súas diferentes linguas maternas. Un traballo precioso, sen dúbida.

Ademais, Voicethread soporta arquivos PDF,  de Microsoft Word, Excel e PowerPoint e puede incluso importar imaxes de Flickr e Facebook.

Para saber máis sobre Voicethread podes visitar a súa web oficial e o seguinte titorial.