Nos encontramos en el camino
Izenburua: Nos encontramos en el camino
Hezkuntza Etapa: DBH eta Batxilergoa
Irakasgaia: Diziplina artekoa
Eslovakia, Frantzia eta Espainiako hiru institutu eta helburu komun bat: Done Jakueko Bidea egitea. Baina ez zuten ez motxila, bota, zira ez Erromes Agiririk behar izan; aitzitik, ordenagailuak, Interneteko konexioa, liburutegi ona, mapa birtualak, eta, batez ere, irudimen handia, beren ibilbidea birtuala izan baitzen.
Laneko esparruak wiki bat eta blog bat izan ziren; horietan bildu dira zortzi hilabeteko proiektuaren emaitzak, benetako bidaia-kaier eta Bidearen entziklopedia txiki bihurtuta, aurrerantzean edozein erromesek kontsultatu ahal izateko eran.
Done Jakueko Bidea hari eroale eta aitzakia izan da ikasle horiek hizkuntzak erabil zitzaten, ondare historikoari eta kulturalari buruzko benetako ikerketa lana egin zezaten eta era bateko eta besteko IKT tresnak azter zitzaten. Wikian, ikasleentzat soilik sortutako laneko esparruan, erromes birtual horiek nazio desberdinetako kideek osatutako taldeak antolatu zituzten eta Done Jakue Bidearen zatian banatu zituzten taldeen artean. Wikiko eztabaida-orrietan jaso da nola taldeek erabateko askatasuna izan zuten Bidearen zatia nola deskubrituko zuten , zer ikertu nahi zuten, beren lana argitaratzeko eta erakusteko IKT tresnarik egokienak zein ziren, eta abar, erabakitzeko. Oso gai desberdinak aztertu zituzten: ondare historiko eta kulturalaren aberatsa, gastronomia tradizionala, bidaiari buruzko gai praktikoak, hala nola, aterpea, bidearen zatia egiteko jantzi egokiak, bidean lagun egiteko musika, garraiobideak, aterpeetan erreserbak egiteko erabili beharreko webak, eta abar. Aldi berean, beste taldeetako ikaskideek argitaratutakoaz iruzkinak egin zituzten espainieraz eta frantsesez bai wikian bai blogean.
Erromes birtual horien bidaiaren jomuga Compostelako Done Jakue hiria da, Bideko erromes guztien topagunea; haren kultur aberastasunaren inguruan egindako ikerketaren emaitzak argitaratu dituzte Prezi bikain batean:
Done Jakueko Bide birtuala da, eta hala denez geroz, proiektuari ekin zioten une beretik sartu zituzten teknologia berriak, eta ikasleen bidelagun fidelak izan ziren aurrerantzean. Bloga eta wikia -elkarlanerako oso egokiak dira bi tresna horiek- irakasleek sortu zituzten, baina edukia gehien batean ikasleen ekarpena da, haien ardura izan baita materialak aurkeztu eta argitaratzea. Ikasleek osatu eta hornitu egin dituzte bideo, argazki, Glogster horma-irudi, Slideshare, Bubbl kontzeptu mapa, Google Maps, berri, iruzkin, Prezi aurkezpen, PhotoPeach, eta abarrez.
Proiektuaren azken fasean, Xtranormal animaziozko pertsonaiek lagundu diete ikasleei jarduerei eta proiektuaren martxari buruzko gogoetak eta irudipenak adierazten. Animazio horiek talde txikietan edo bakarka egin dira, blogean argitaratu dira, eta ikaskideek kontsulta zitzaketen.
eTwinning-eko abenturaren amaiera ospatzeko, ebaluaziozko bideokonferentzia bat antolatu zen, eta bertan konpartitu zituzten, nork bere izenean, azkenean ikasleek proiektuari buruzko beren irudipen eta iritziak. Pentsamenduak moldatu eta adierazten lagundu zieten irakasleek ikasleei bideokonferentziarako elkarrizketa-gida bat sortuta; blogean kontsultatu ahal izan zuten gida hori. PhotoPeach IKT tresna hautatu zuten topaketa erregistratzeko:
Eta Bide birtualetik errealera pauso bat besterik ez dago. Ez behintzat ikasle eslovakiarrei dagokienez. Herrialde horretan ere eTwinning Sari Nazionala jaso du proiektu honek, eta sariaren berri izan eta gero, irakasle eslovakiarrak eta haren ikasleek bidaia antolatu zuten Espainiara, azkenean IES Poio Bigarren Hezkuntzako ikastetxeko beren lagun eTwinnerrak topatzeko. Topaketa horrek aukera eskaini die espainieraz egoera errealetan mintzatzeko eta beren lagun galiziarrekin jarduera asko egiteko, bai ikasgelan bai ikasgelatik kanpo. Eta gauzarik garrantzitsuena: elkarrekin egin dute Doneajakueko Bidearen azken zatia Compostelako Done Jakueraino, azkenean erromes esperientzia bizi izanez. Benetako kazetariak balira bezala, hiri horretara egindako bisitan espainiar kulturaz gehiago ikasteko aukera bikaina ikusi dute eta biztanleei elkarrizketa batzuk ere egin dizkiete. Compostelako Done Jakueko alkateak harrera ere egin zien; oso gauza motibagarriak haientzat.
Proiektu honetan parte hartutako ikasle hauek Donejakueko Bidea sustatzeko egin zuten publizitate iragarkia duzue hor. Bidea sustatzeko iragarki bikaina ez ezik, eTwinning proiektua bera sustatzeko iragarkia ere bada.
Nos encontramos en el camino proiektuaren ezaugarririk adierazgarrienak 2012ko eTwinning Sari Nazionalen banaketakoan egindako aurkezpenean ikus daitezke:
Embed Embed this video on your site
Loturak:
2012 ko eTwinning Sariak
- Carpe Nuntium: voilà nuestra "FrItalianza" y aprende español
- Explota Internet pero "En la red, que no te pesquen"
- El agua es protagonista en Waterpedia - The elixir of life
- The hole puncher: ikasketa eta praktika Lanbide Heziketan.
- Family Lab. Baloreak irakatsi eta ikasi.
- Nos encontramos en el camino
- eTwinning 2012 Urteko Konferentzia: Europako sarien banaketa
- Entrega de Premios nacionales eTwinning 2012
- Emisión en directo: Premios nacionales y Conferencia Anual eTwinning 2012
- A Taste of Maths (ATOM). Ezin esan gustagarria ez denik.
- Europe: Reading is also the future. Irakurketaren erronka.
- Estudio, práctica y enseñanza de las TIC con ICT4U
- GOAL! Go outside and learn. Matematika errealak.
- Creatividad itinerante en 'Art on the Move'
- Ganadores de los Premios Nacionales eTwinning 2012