eTwinning 2012 Urteko Konferentzia: Europako sarien banaketa
Ikusmin handiko egun zirraragarria joan den martxoaren 29an Berlinen izandakoa eTwinning-en 2012 Urteko Konferentzian Europako sarien banaketakoan.
Han bildu ziren eTwinning-eko Zerbitzu Nazionaletako hango eta hemengo kideak, Zerbitzu Nagusiko arduradunak, eta, batez ere, ekitaldiko protagonista handiak, irakasle sarituak, beren ahalegina eta ardurari esker lortzen baita eTwinning handitzea eta ikastetxe europarren artean ezagutaraztea.
Goizean egin ziren hastapeneko diskurtsoen eta ongietorrien ondotik, bidea zabaldu zitzaien eTwining 2012 Europako Sariei. Hunkigarria izan zen Carpe Nuntium: voilá nuestra FrItalianza izena entzutea, espainiar hizkuntzaren kategoria bereziko sari, Espainiako Hezkuntza, Kultura eta Kirol Ministerioak emana, eta Laura Carbonelli, Italiakoa, eta Nathalie Thibault Poblete, Frantziakoa, irakasleei Hezkuntza Teknologia eta Irakasleen Prestakuntzak Institutu Nazionaleko Zuzendari, Juan Ramón Villar Fuentes jaunak entregatu ziena.
Ez dugu ahaztuko Ignacio Jiménez Calero IES "Pedro Álvarez Sotomayor" (Manzanares-Ciudad Real) ikastetxeko irakasleak SOHO: Sunspots Online-Helios Observatory proiektuan izandako parte-hartzea; Marie Skłodowska Curie kategorian irabazlea izan zen, Zientzia, Matematika eta Teknologiako proiektuetan.
Beste une bero bat 12-15 kategoriako sarien berri eman zenekoa izan zen; proiektu finalista bietan egon zen espainiarren parte-hartzea: A Taste of Maths (ATOM) Valentina Cuadrado IES "Alonso de Madrigal" (Avila) ikastetxeko irakaslearena, proiektu irabazlea izan zena, eta ICT, You and Me, José Ramón Jiménez "Siete Campas-Zorrozgoiti" LH (Bilbao, Euskal Herria) ikastetxeko irakasleak parte hartutakoa.
Adin-kategoria gorenean, 16-19 bitartekoenean, parte-hartze espainiarreko beste proiektu bat dugu finalista berriro ere –bikoitza, oraingo honetan–. En la Red, que no te pesquen proiektuaz ari gara, Marta Pey, Institut "Jaume Callis", Vic (Katalunia), eta Mauricio del Gallego, IES "Escultor Juan de Villanueva", Pola de Siero (Asturias) ikastetxeetako irakasleez ari gara.
(Irudi originala: www.programkontoret.se)
Eta, azkenik, poz handi-handi bat. Lehen aldiz egin zitzaion aipamen berezia kategoria guztietako irabazleen arteko eTwinning proiektuetan Europako onenari. Sari berri hau sortu den lehen urte honetan guztiok sentitu genuen zirrara handi bat proiektuaren izena entzutean: A Taste of Maths (ATOM), Valentina Cuadradorena. Hor duzue une horretako argazkia, Valentina, eskuinean lehena, eta gainerako bere kideak agertzen direna. Dudarik ez da, ongi merezi izandako sari da: jakinduriaz uztartu dira matematika alderdiak eta eguneroko bizitzako aspektuak, hala nola, janaria, artea, musika, ingurunea eta poesia; asmatu dute ikasleen jakin-mina era sortzaile eta berrian pizten. Zorionak Valentinari eta haren ikasleei ongi egindako lan horrengatik!
Konferentziako gainerako ekitaldiak giro lasaian joan dira; han erakusten ziren bateko eta besteko standak bisitatzeko aprobetxatu dugu, eta horietako batzuetan oso proposamen interesgarriak ere baziren, irudian ikus dezakezuenez. Izan dugu astia eta aukera ere eTwinning-ean ekinean diharduten agente batzuekin eta besteekin gure irudipenak elkarri azaltzeko eta han proposatutako tailer eta mintegi batzuetara joateko. Zalantzarik ez da, ongi aprobetxatutako bisita eta oso aberasgarria guztiontzat ere; emango dizuegu guztiaren berri hurrengo artikuluetan.
Hor duzue, amaitzeko, INTEFeko MAV Departamentuak Konferentziaz eta sari banaketaz prestatu duen bideoa. Gustatuko zaizuelakoan gaude.
.
2012 ko eTwinning Sariak
- Carpe Nuntium: voilà nuestra "FrItalianza" y aprende español
- Explota Internet pero "En la red, que no te pesquen"
- El agua es protagonista en Waterpedia - The elixir of life
- The hole puncher: ikasketa eta praktika Lanbide Heziketan.
- Family Lab. Baloreak irakatsi eta ikasi.
- Nos encontramos en el camino
- eTwinning 2012 Urteko Konferentzia: Europako sarien banaketa
- Entrega de Premios nacionales eTwinning 2012
- Emisión en directo: Premios nacionales y Conferencia Anual eTwinning 2012
- A Taste of Maths (ATOM). Ezin esan gustagarria ez denik.
- Europe: Reading is also the future. Irakurketaren erronka.
- Estudio, práctica y enseñanza de las TIC con ICT4U
- GOAL! Go outside and learn. Matematika errealak.
- Creatividad itinerante en 'Art on the Move'
- Ganadores de los Premios Nacionales eTwinning 2012