Proxectos destacados
So Far, So Near, unha atractiva comunicación
Título: So Far, So Near
Estapa educativa: Educación Secundaria Obrigatoria
Materia: Lingua estranxeira (Inglés)
A estupenda comunicación establecida entre os profesores polacos e navarros implicados neste proxecto, permitiu conseguir resultados variados e moi vistosos. O obxectivo inicial de lograr unha auténtica práctica da lingua estranxeira, combinado coa utilización de diversas ferramentas TIC, conseguírono con creces.
As actividades propostas neste proxecto non son moi diferentes ás que se fan habitualmente na materia de inglés, pero sí o é a metodoloxía utilizada para levalas a cabo. Así, con temas como, o Nadal, a música, a comida, o cine, eles mesmos, etc., mantiveron unha auténtica comunicación cos seus socios. Os alumnos reflexionaron sobre cada un deles, pero tamén sobre as características que aportan distintas ferramentas TIC e así poder traballar estes cos seus compañeiros europeos dun xeito máis atractivo. Como consecuencia da alta motivación dos estudantes cara este traballo, eles mesmos propuxeron novas tarefas de colaboración cos seus compañeiros, como a creación dun minidiccionario.
Entre as actividades destaca o concurso de fotografía, a través de que ambos centros compartiron a súa cultura. O resultado do concurso é dunha calidade, que nada ten que envidiar ó realizado por profesionais.
Na seguinte presentación podes ampliar información sobre este proxecto, contada polos propios alumnos:
Tamén podes visitar o seu TwinSpace e o Blog do profesor, José Javier Baile.
I, you, we, blog
Título: I, you, we blog!
Etapa educativa: Educación Secundaria Obrigatoria
Materia: Lingua estranxeira (Inglés)
O título deste proxecto é fiel reflexo do que contén: un blog elaborado polos alumnos de 5 centros escolares europeos, entre eles o I.E.S. Bioclimático de Badaxoz, que sen darse conta e dunha forma moi creativa desenvolveron diferentes destrezas da lingua estranxeira. Artigos sobre a familia, a cidade, os temas favoritos, o cine, o deporte, a música, as vacacións, a gastronomía dos países participantes...van aparecendo en decenas de documentos de texto, presentacións, vídeos, imaxes, fotos e posters. Estas mensaxes provocaron os comentarios dos compañeiros socios interesándose polos deportistas máis famosos, por unha receita, por héroes xuvenís, cantantes de moda ou os lugares para ir de vacacións. A excelente colaboración entre os profesores coordinadores deu como resultado un blog moi extenso, variado e ben organizado en categorías.
Cabe decir que este sitio web é unha bitácora, un caderno que os docentes puxeron a disposición dos alumnos para que relaten o desenvolvemento do curso escolar. Un blog educativo que serve de modelo para outros docentes. Ir ó Blog
Hello Europe! Welcome Europe!
Etapa educativa: Educación Primaria
Materia: Interdisciplinar
Famosas, funcionais, fáciles de lembrar..., as voces inglesas Hello e Welcome convertéronse nas estrelas protagonistas dun proxecto artístico no que participaron escolas de 12 países europeos, entre eles o CEIP Argantonio de Sevilla. Ó estilo das actrices, a parella de palabras estivo de promoción polas aulas dos centros escolares de Europa, onde compartiron cartel coas súas homólogas Ciao, Merhaba, Benvenuti, Hola, Sdravo, Bienvenidos, Bonjour, Γεια σας καλώς ήρθατε, Bienvenu, etc., e todo o elenco ó completo se uniu co obxectivo de difundir a riqueza e variedade cultural do continente.
Dito obxectivo empezou sendo modesto: simplemente que os anfitrións se saludaran nos distintos idiomas dos países participantes; pero vendo a boa acollida do público fíxose máis ambicioso e os profesores responsables da xira aproveitaron as celebracións máis relevantes en Europa, -Nadal, Carnaval, Semana Santa, o Día d
As destrezas plásticas e artísticas dos alumnos-axudantes do proxecto, combinadas coas ferramentas TIC de que dispuñan, xeraron un sinfín de materiais para acompañar ás estrelas na súa estancia nos colexios: postais, carteis, rompecabezas, tarxetas de felicitación, símbolos, vídeos, fotos, imaxes e a canción Hello Europe ambientaron as aulas-escenario polas que desfilaron as protagonistas.
A crítica valorou positivamente este periplo europeo, que requiriu meses de intenso traballo colaborativo e destacou dous aspectos relevantes: non houbo servizo de tradución, de aí que os asistentes e participantes se tivesen que esforzar para comunicarse na lingua acordada, o inglés. Ademais, a presenza deste espectáculo non distorsionou o plan de traballo establecido meses atrás polo Claustro de profesores-organizadores senón que se integrou perfectamente nel.
Podes seguir a estela das celebridades accedendo a estes enlaces:
Viaxa con Syrius por toda Europa
Título: The diary of Syrius’ travels
Etapa educativa: Primaria
Materia: Ciencias Medioambientais, Lingua Estranxeira, Xeografía, Matemáticas e Xeometría, TIC, Ciencias Naturais.
The diary of Syrius’ travels é un proxecto coordinado pola profesora Cristina Asensio Soriano do CEIP Les Aigües de Cataluña, e a Szkoła Podstawowa Nr 1 (Polonia), ó que posteriormente se uniron outros centros.
O protagonista deste proxecto, Syrius, serve de fío condutor para presentar o proxecto ós alumnos. Syrius viaxou por toda Europa co seu GPS, pero ó final da súa viaxe só ten as coordenadas dos lugares que visitou e pide axuda ós alumnos dos nove países participantes para recompilar toda a información, para o que os alumnos deben deseñar e resolver diferentes actividades relacionadas cunha ampla gama de actividades.
Aparte do TwinSpace, o proxecto utiliza unha plataforma Moodle para levar a cabo o traballo, que fixo ó alumno consciente do seu traballo. Ademais, entre outras ferramentas TIC, os alumnos empregaron: Google Earth, para localizar lugares e atopar as coordenadas, Camstudio para grabar a “carta de Syrius”, Photobucket para presentar as fotografías, JCloze para facer cálculos reais de distancia e tempo, JQuiz para a velocidade, a ruta e o tempo, o JMatch para emparellar fotografías dun mesmo país.
Os alumnos seguiron este plan de traballo:
-
En primeiro lugar, recibiron unha postal de Syrius, enviada por outro dos participantes.
-
Despois de ler a carta de Syrius, os alumnos deseñaron a etapa da viaxe que lles correspondía, buscaban as coordenadas dos lugares importantes do seu país e engadían información para facilitar a tarefa ós socios.
-
Fíxose unha presentación PowerPoint de cada país.
-
Elaboraron problemas de matemáticas.
-
Os socios resolveron as tarefas propostas.
- Os alumnos xogaron a “Syrius’ game” e grabouse a carta de Syrius en distintos idomas.
No seu conxunto, “The diary of Syrius’ travels” formula o traballo de contidos relacionados coas matemáticas desde una perspectiva interdisciplinar, incluíndo aspectos relacionados coas Ciencias Sociais, as Ciencias da natureza,
Foron capaces os alumnos de axudar a Syrius a recompilar toda a información da súa viaxe? Non o dubides e bótalle un vistazo ó proxecto.
Enlaces:
Comproba as posibilidades que ofrece a música con Songs, Language & Culture
Título: Songs, Language & Culture.
Etapa educativa: Secundaria postobrigatoria.
Materia: Linguas estranxeiras, Tecnoloxía.
Songs, Language and Culture é un proxecto coordinado pola profesora Marta Pey do IES Jaume Callis de Cataluña, e o ITAS D'Annunzio (Italia), ó que posteriormente se uniron outros institutos. A música é o eixe en torno ó cal xiran aspectos culturais e sociais dos países socios á vez que serve de atractivo gancho para que os alumnos traballen e se comuniquen nunha lingua estranxeira utilizando as TIC.
Ferramentas propias da Web2.0 tales como presentacións en PowerPoint e Slideshare, audios con Slidecast e Voki, vídeos con Youtube, fotos con Picasa enquisas con Polldaddy ou Widgets como Clustrmap e Vodpod serviron para presentar letras de cancións, cantautores, cantantes de actualidade, artistas consagrados, así como para contextualizar os temas: a canción protesta, os problemas das sociedades e a falta de liberdades, entre outros. Beyoncé e Metallica, Madonna e LLuis LLuch, Rihanna e S-Kape comparten o mesmo entorno sen desafinar.
Os alumnos organizáronse en equipos de nacionalidade mixta, estiveron moi motivados polo tema seleccionado e o contido das cancións e foron máis alá destas. Presentaron o entorno no que viven, a personaxes relevantes, os símbolos nacionais, a gastronomía, o ocio, etc. A satisfacción e o interese dos estudantes polos temas seleccionados fomentaron o uso do idioma inglés sen reticencias como ferramentas de comunicación nun contexto real.
A publicación dos materiais producidos está moi ben organizada e é de fácil acceso; un excelente modelo para outros proxectos. As ferramentas do Twinspace (taboleiro de anuncios, caixa de correo, foro e chat) e os blogs (nacional e internacional) estimularon a responsabilidade dos socios na elaboración dos documentos, a presentación dos resultados e o estupendo nivel de coordinación a pesar do elevado número de socios. Esta estruturouse a través dun wiki para que os docentes, partindo dun esquema xeral escrito no taboleiro de anuncios, foran suxerindo ideas e tomando decisións, que eran notificadas semanalmente vía correo electrónico ó distintos socios.
Os mozos lituanos escoitan a mesma música que os italianos? Coñecen os mozos letóns a canción L’ Estaca? E, Quen se atreve a cantala en inglés? E se o fan xuntos todos os participantes? Bota unha ollada ó proxecto, premiado na Convocatoria de Premios eTwinning 2010, e sairás de dúbidas.
Enlaces:
Wiki
Blog
Blog da profesora española
Blog do grupo de República Checa
Máis artigos...
Páxina 12 de 13