GRESCY
Grescy (Great agenCY rEScue animals endangered) é un proxecto eTwinning-Comenius no que participa o CEIP Giner de los Ríos (Mérida) en colaboración con centros socios de Chipre e Grecia.
Basease nun proxecto eTwinning anterior, Zootopia, no que os protagonistas son 12 animais en perigo de extinción. Neste novo proxecto, estes animais tómanse vacacións en diferentes cidades de Europa e acaban perdidos. A misión dos alumnos é poñer en marcha o seu rescate a través da axencia GRESCY.
Trátase dunha proposta de traballo atractiva que impulsou a creatividade e a participación activa dos alumnos a través dunha variada oferta de actividades (debuxos, posters, cuestionarios, relatos colaborativos, recetarios, calendario, etc.) A lingua vehicular de comunicación foi o inglés. As ferramentas de xestión e comunicación do TwinSpace usáronse xunto con outras aplicacións e ferramentas da web 2.0 como Slideshare, Animoto, Youtube, Skype, Cincopa, Microsoft Autocollage, Moviemaker, Survey Monkey y Youblisher.
O proxecto está plenamente integrado nas materias curriculares de Primaria, especialmente, Lingua Estranxeira, Ciencias Naturais e Educación Plástica. Valoramos positivamente a metodoloxía de traballo que integra de forma eficiente as competencias básicas. Falamos ademais dunha dinámica de traballo participativa e orientada á acción na que destacamos unha constante interacción cos socios, bo traballo de equipo e un reparto equitativo de tarefas.
Subliñamos dous aspectos destacables do proxecto, por un lado, a inclusión de linguaxe de signos para fomentar a integración e participación de alumnos con necesidades educativas especiais. Por outro, ter sabido concienciar ós alumnos sobre a conservación das especies en vías de extinción. Os alumnos elaboraron un calendario común que puxeron á venta no centro e cos beneficios obtidos adoptaron de forma simbólica un burro nun centro de protección animal cercano ó centro
Desde o SNA felicitamos ó CEIP Giner de los Ríos por apostar por unha metodoloxía de traballo en colaboración na que se combinan de forma eficiente as competencias básicas e que axuda a remover conciencias entre o alumnado participante. Animámosvos a continuar esta fructífera liña de traballo en eTwinning
Fonte das imaxes: TwinSpace do proyecto GRESCY