Os números invaden a cidade en My town in numbers
Título: My town in numbers
Etapa educativa: Educación Secundaria Obrigatoria
Materia: Matemáticas / Xeometría
Cantos litros de auga caben no pilón da fonte da miña cidade? Que superficie mínima é necesaria para sementar medio kilo de cenorias? Podo calcular a altura dun edificio se coñezo a dun transeúnte? A preguntas como estas enfrentáronse estudantes de entre 12 e 14 anos de escolas da República Checa, Rumanía e Holanda e respondéronas mediante un divertido proceso de investigación.
Todo isto dentro dun proxecto de Matemáticas como é My town in numbers, finalista da categoría de 12 a 15 anos dos Premios Europeos eTwinning 2010. Os tres profesores socios, moi ben coordinados, planificaron e organizaron as tarefas e o resultado foi excelente: a aportación de documentos está moi equilibrada en número, homoxénea nos temas tratados e variada nas actividades propostas. Cada centro seleccionou un conxunto de exercicios, os outros dous fixéronos e compartíronos os tres. Ditos exercicios están contextualizados no entorno no que se ubican os centros escolares.
Fotos, imaxes e presentacións serviron para traballar conceptos matemáticos cunha actitude motivadora: lonxitude, área, volume, mensaxes encriptadas, escala, velocidade, etc. van facendo a súa aparición na arquitectura, na horta, nos mapas e nos textos. Algo máis que unha excusa para dar a coñecer a riqueza social e cultural dos tres países. Algún alumno tería reparado nas dimensións colosais do parlamento rumano? Ou na lonxitude da ponte de Darkov? Sabería descifrar este texto, Ymnx nx sty inkknhzqy?
E os escolares non se limitaron a completar as tarefas matemáticas; tiveron presentes ós seus compañeiros europeos e xuntos elxiron un logo identificativo, compartiron os seus gustos, deseñaron tarxetas de nadal e ensianron a súa aula. E todo facendo uso dunha ampla gama de TIC.
Neste sentido, aparte do uso das ferramentas do TwinSpace, crearon un blog para a comunicación constante entre profesores e unha páxina web ben organizada e ilustrativa para a publicación dos resultados das actividades.
Os alumnos estudaron Matemáticas dunha forma diferente (adiviñas, animacións, rompecabezas, mensaxes encriptadas, xogos, etc.), aprenderon o valor do traballo en colaboración, melloraron a súa competencia en lingua inglesa e viron como a integración das TIC impregnou de creatividade o seu traballo e o dos docentes.
Enlaces:
TwinSpace público (plataforma TwinSpace antiga)