Art connects us
Art connects us proiektuan parte hartzen duten herrialdeetako (Espainia, Frantzia, Erresuma batua, Polonia, Turkia eta Eslobakia) margolari europar errepresentatiboetan inspiratutako proiektua da.
Proiektukideek margolari aipagarri bat proposatzen dute azterketarako eta lanerako gai hartutzeko.
Proiektuak baditu bere baitan aspektu berritzaileak, margolaritza lana beste arte esparru batzuetan jarduerak egiteko abiapuntutzat hartzen baita, hala nola, kantak, istorio irudimentsuak, sukaldaritzako errezetak, esku-lanak...; hala, margolanak egiten ikasteaz harantzago doa ikasketa .
Nabarmendu behar dugu proiektu guztian irakasle parte-hartzaileen artean izan diren koordinazio eta lankidetza bikainak, proiektuaren ataletako batean jaso den hasierako plangintza onaren emaitza (helburuak, jardueren antolamendua eta aldez aurretik ikusitako emaitzak). Era berean azpimarratu behar dugu TwinSpace-ren antolamendu ona; argi eta garbi jaso dira bertan herrialde bakoitzaren ekarpenak eta proiektukide batzuek eta besteek izan duten erreakzioa.
Proiektua egiteko erabili diren 2.0 tresnak egindako lana, ikusteko lana batik bat, gainerako proiektukideei erakutsi eta haiekin partekatzeko tresna egokiak izan dira: Voki, Picture Trail, SlideShare, YouTube, ProShow Web eta Animoto.
Zorionak ematen dizkidegu irakasle parta-hartzaileei proiektu ireki eta irudimentsu bat garatzen lagundu dutelako, ikasleei era bateko eta besteko arte adierazpenen bidez mintzatzea ahalbidetzen diena eta, halaber, beste kultura, jende eta ohitura batzuk ezagututa pertsona bezala aberastea ahalbidetzen diena.
Irudien iturria: Proiektuaren TwinSpace-a