Parte har ezazu Irakasle-geletan
Berrogeita hamahiru irakasle-gela daude aldi jakin baterako sortuak. Hasteko, bi hilabeterako. Helburua? Ez soilik irakasleek material, esperientzia, zailtasunak eta horiek ebazteko ideia proposamena elkarren artean konpartitzea; baita era bateko eta besteko gaiak eztabaidatzeko gune edo esparrua izatea ere, eta halaber mintegiak eta tailerrak prestatzeko edo jada bukatuta daudenen esperientzia konpartitzea.
Irakasle-geletako kide kopurua oso desberdina da; hots, gela txikienetan izan daitezke bi irakasle, handienetan, aldiz, bederatziehun eta berrogeita hamaika ere bai; hainbat komunikazio hizkuntza, hala nola, ingelesa, alemana, frantsesa, turkiera, besteak beste… Eta hala, eTwinning proiektuetan sartutako eragile batzuen eta besteen arteko –irakasle, enbaxadore, LZNko eta LZNZko kide…– komunikaziorako bitarteko oso bizia bihurtu dira.
Irakasle-gela ezagunenak
Irakasle-gelarik aktiboenetakoa Helpdesk delakoari buruzkoa da: irakasle-gela hau publikoa da, eta eTwinning-en ari direnek zalantzak planteatzen dizkiote elkarri, baita eta zalantza horien erantzunak ere; elkarren arteko lankidetzaren adibide egokia da.
Parte-hartze handia izan da Applications and IT-tools for projects, Web 2.0ri buruzko irakasle-gelan ere. Sarrera mugatukoa da –gela horretan ekarpenen bat egin nahi izanez gero, gonbidatu egin behar zaituzte–; jarraipena izan du aurtengo sortu den edizio berri batean.
Irakasle-gela horretan irakasleek proposamenak egiten dituzte, bilaketak eta elkarri informazioa helarazten diote beren proiektuetan erabil daitezkeen 2.0rako tresnei buruz: Issuu, Slideshare, myebook, Flashmeeting, Voicethread eta beste asko.
Sar zaitez irakasle-gela horietan zure mahaigainetik bertatik, anima zaitez eta har ezazu parte, horietako batera bilduta edo zerorrek zeure interesei egokituko zaien beste gela bat sortuta; era guztietako irakasle-gelak daude: eTwinning sustatu, Irakurketa gauza dibertigarria da, Sareko segurtasuna, Drama,… baina, orain artean behintzat, bakar bat ere ez espainolez!
Gomendioak
- Sinergias educativas: eTwinning como complemento al programa de Estancias Profesionales
- La evaluación en proyectos, ¡viva la rúbrica!
- Talde berriak eTwinning Live-n
- Kalitateko proiektu baterako errubrika: 6. Emaitzak, eragina eta dokumentazioa.
- Kalitateko proiektu baterako errubrika: 5. Teknologiaren erabilera
- Kalitateko proiektu baterako errubrika: 4. Lankidetza
- Balance eTwinning 2014/15
- La competencia digital en los alumnos
- Kalitateko proiektu baterako errubrika: 3. Ikastetxe proiektukideen arteko komunikazioa eta elkarrer
- 33.000 usuarios registrados en School Education Gateway