Que diferenza hai entre o Escritorio eTwinning e o TwinSpace?
O Escritorio eTwinning é a páxina inicial que aparece unha vez introducidos o usuario e o contrasinal nas web do SNA e/ou do SCA. Desde el pode modificar o seu perfil e o do seu centro, buscar socios para irmandarse, recibir e enviar correos electrónicos, inscribirse nos "Encontros pedagóxicos en liña" ou nos grupos eTwinning e acceder á biblioteca de recursos.
Se estás traballando nun proxecto, o escritorio é o lugar desde o que se poden facer entradas no Diario de Proxecto, solicitar o Selo de Calidade, acceder ó Twinspace, xestionar os socios ou cerrar e reabrir o proxecto .
O TwinSpace é o espazo virtual creado para vostede e o seu socio unha vez que o seu proxecto foi aprobado. É unha plataforma de traballo desde a cal pode comunicarse con outros membros do seu TwinSpace (Chat, Foro, Caixa de Correo, Axenda) e desenvolver e publicar as actividades do proxecto. Se se lles invita, os alumnos poden ter acceso ó TwinSpace para que poidan xestionar as súas propias actividades.
