Etwinning

Que facer se un profesor cambia de centro escolar

Cando un profesor que xa está inscrito na plataforma eTwinning, cambia de centro escolar, non debe nin rexistrarse de novo nin modificar no seu perfil os datos do centro. Se  fai iso, modificará os  datos de todos os profesores  que estean inscritos en eTwinning con ese centro. O que debe facer é engadir un novo centro escolar no seu perfil.

O proceso é o seguinte:

1.- Accede ó Escritorio eTwinning.

2.- Fai clic en modificar o perfil  e poderás ver toda a información do teu perfil nunha pantalla como ésta:

3.- A información preséntase en 4 campos distintos: información persoal, do centro escolar, as túas preferencias e a Galería de fotos (inicialmente visualizarás a túa información persoal). Pica na  pestana Centro escolar e  verás a información do centro co que estás inscrito en eTwinning nunha pantalla como ésta:

4.- Para introducir os datos do teu novo centro, fai clic en ENGADIR UN CENTRO ESCOLAR. Iniciarás o proceso de rexistro dun novo centro ó perfil que xa tes.

a.- Selecciona o país, a rexión e a cidade, e debaixo aparecerache un listado de centros que xa están rexistrados en eTwinning.  Comproba en dito listado se o teu novo centro xa está  rexistrado  na plataforma. Nese caso, pica no vínculo “Este é o meu centro escolar”,  que aparece ó lado do nome do teu novo centro. Deste xeito, aforrarás tempo neste proceso.

b.- Se o teu novo centro non está no listado, fai clic no botón “Faga clic aquí para inscribir un novo centro escolar” e aparecerá un formulario, como na imaxe de abaixo,  no que hai que introducir os datos do novo centro escolar, e outros relacionados coas preferencias de asociación.

5.- Unha vez completado o formulario, non te esquezas de facer clic en   

6.- Volve á páxina de INICIO do Escritorio e verás que xa aparece no teu perfil o novo centro escolar.