Un, dous, tres... On tourne!
“Un, dous, tres… On tourne!” é un proxecto eTwinning no que participaron o IES Itaca (Tomares, Andalucía) e o Colexio Voltaire (Saint-Florent-sur-Cher, Francia) no que os alumnos se convirten en activos reporteiros de diversos programas de TV.
O proxecto destaca por unha boa organización e planificación inicial por parte das dúas docentes coordinadoras, que procuraron en todo momento un reparto equitativo de tarefas entre os alumnos participantes. A metodoloxía favorece a autonomía dos alumnos e a súa creatividade. O alumno convírtese así en protagonista do desenvolvemento do proxecto, participando activamente en tarefas de investigación, intercambio, comparación de información e autoavaliación de resultados.
Atopamos actividades realizadas en paralelo en cada centro, pero tamén actividades que se realizan en grupos de alumnos de nacionalidade mixta, o que favorece a colaboración e o traballo en equipo. Promóvese tamén o desenvolvemento de competencias socioculturais e lingüísticas. Os alumnos comunícanse en francés e castelán nun contexto significativo de uso da lingua no que usan a información remitida por outros, piden axuda, aclaran aspectos, solicitan opinión, redactan de forma conxunta guións, escoitan grabacións e finalmente preparan e realizan enquisas e votacións
Procurouse que a temática de cada programa de TV coincida con contidos curriculares do ámbito das Linguas Estranxeiras. Desta forma, o primeiro programa ‘¿Somos iguales? ‘ serve de escusa para traballar descricións físicas e de personalidade e afección. O segundo programa ‘¡Que aproveite!’ aborda todo o vocabulario relacionado coa gastronomía de cada país socio. No terceiro programa ‘Internet y nosotros’ os alumnos reflexionan sobre as vantaxes e inconvenientes de Internet e as redes sociais.
O proxecto tamén proporcionou ós alumnos un amplo campo de experimentación coas TIC. Toda a etapa de redacción de guións, grabación, rodaxe e montaxe de vídeos permitiulles tomar contacto con ferramentas de edición de son e vídeo (MovieMaker e Imovie), presentacións (Animoto , Flixpress, Kizoa), uso de cuestionarios de avaliación en liña (GoogleForm, Eval&Go, SurveyMonkey), muros virtuais para compartir consellos (Paddlet).
Tanto o Twinspace como o blog do proxecto destacan por una efectiva organización das actividades desenvoltas, un acertado deseño e a claridade e calidade nos contidos.
Desde o SNA eTwinnning felicitamos ós docentes e alumnos participantes, por un proxecto colaborativo e creativo que promove o traballo en equipo e o respecto pola diversidade sociocultural e lingüística.
Fonte das imaxes: TwinSpace do Proxecto.