ETT Comenius (European Tales and Treasures)
ETT Comenius (European Tales and Treasures) é un proxecto eTwinning-Comenius entre seis países sobre temática de contos e lendas populares. O proxecto está dirixido a alumnos de 12-16 anos, e presenta unha orientación interdisciplinar (Linguas Estranxeiras, e ademais aspectos propios de Historia da Cultura, Lingua e Literatura, Comunicación Audiovisual)
Cada país comparte unha das súas lendas populares para que os seus homólogos as representen usando diferentes formatos de cómic, póster, presentacións en Powerpoint e Shoebox , manualidades realizadas polos alumnos, representacións teatrais. Todos estes materiais son intercambiados e vanse aloxando no TwinSpace. Ademais crean un himno común do proxecto que inclúe as historias redactadas polos centros socios e un apartado de receitas conxuntas. Sérvense dun cofre simbólico que viaxa de país en país con documentación de cada país.
O desenvolvemento do proxecto contribuíu a fomentar as competencias básicas do alumnado e incrementado a súa motivación e interese por coñecer outras culturas e valorar o traballo en equipo.
É destacable o apartado de avaliación no que se involucrou non só ós alumnos senón tamén ós pais dos alumnos participantes. O proxecto serviu para potenciar a dimensión europea no centro como resultado do labor de investigación e intercambio de lendas entre os centros socios. O proxecto tamén contribuíu á mellora das competencias básicas no alumnado.
Fonte das imaxes: Proxecto European Tales and Treasures
