Steps to improve the environment
Este mes presentámosvos un proxecto interdisciplinar sobre temática medioambiental coordinado por Mari Carmen García, do IES Puerta de Pechina (Almería), en colaboración con centros de Portugal, Chipre, Finlandia, Lituania, Rumanía e Reino Unido
O proxecto, premiado recientemente con selo de calidade nacional, ten como obxectivo fundamental fomentar iniciativas que contribúan a despertar a conciencia ecolóxica entre o alumnado, que lles axuden a apreciar o patrimonio natural e a identificar similitudes e diferenzas no medio natural entre distintos países europeos. Destacamos a participación de distintas materias no proxecto: Ciencias da Natureza, Tecnoloxía, Inglés, Informática, Educación Plástica, Lingua Castelá e Literatura, etc. incluso a hora de titoría tivo o seu espazo no proxecto para elaborar un cuestionario medioambiental e tratar sobre a alimentación ecolóxica. Este carácter interdisciplinar do proxecto esixiu por parte dos participantes unha gran coordinación e colaboración, que se baseou nunha acertada dinámica de traballo e que favoreceu unha equilibrada participación, traballo en equipo e intercambio de documentación entre os participantes.
Polas súas características, o proxecto intégrase dun xeito eficiente no currículo escolar e relaciónase con outras iniciativas existentes actualmente no centro educativo español (por exemplo, unha agrupación escolar ARCE). A metodoloxía de traballo desenvolveuse básicamente a través de asignación de tarefas (avaliacións, cuestionarios, medicións, etc.) co obxectivo de involucrar, responsabilizar e facer que o alumno desenvolva unha actitude activa de aprendizaxe en cada unha das fases de desenvolvemento.
O proxecto permitiu ós alumnos empregar ferramentas específicas tales como sensores portátiles, GPS e cámaras de fotos sincronizadas destinadas á medición e comparación de niveis de CO2 dos distintos países participantes. O foro, o chat do TwinSpace, Skype, e a rede Ning empregáronse extensivamente como soportes de interacción, debate e intercambio de documentación, de xeito que cada participante puido elaborar as diversas análises coas medicións remitidas por alumnos doutros centros. Para a presentación e difusión de resultados empregouse Google Earth, editores de texto, software de presentación, vídeos, o TwinSpace, a rede Ning e a plataforma Moodle. Os intercambios e visitas entre centros tamén contribuíron notablemente a que os participantes de distintas nacionalidades puideran compartir impresións e crear presentacións comúns.
En xeral, percíbese que ambos docentes e discentes se amosan satisfeitos cos resultados e participaron activamente no desenvolvemento de propostas de desenvolvemento sostible. Remover conciencias e promover actitudes e hábitos respetuosos co medioambiente desde a escola é, sen lugar a dúbidas, un paso en firme cara a formación integral dos futuros ciudadanos europeos.
Consulta o proxecto: TwinSpace
Fuente imágenes: proyecto 'Steps to improve the environment'
