Promoción da arte Infantil, Grandi quadri e piccoli pittori, Grandes cadros e pequenos pintores
Título: Grandi quadri e piccoli pittori, Grandes cadros e pequenos pintores
Etapa educativa: Segundo ciclo de Educación Infantil
Materia: Educación Plástica e Visual
Este proxecto é un modelo de acercamento das TIC e da dimensión europea nunha etapa, a Educación Infantil, na que é menos común a práctica de actividades que desenvolvan tales aspectos. Mediante éstes, a pintura e a literatura intégranse outros contidos do ciclo en diversas actividades nas que o desenvolvemento da creatividade dos alumnos xoga un importante papel. O traballo realízase en cada unha das tres aulas do segundo ciclo de Educación Infantil de dous centros, o Colexio Público Tremañes (España) e a Scuola dell''infanzia F.lli Cervi, Noverasco Opera (Italia).
A primeira actividade na que os alumnos participantes se presentan permite facerse unha idea da orixinalidade do proxecto no seu conxunto. Así, sempre cun carácter lúdico, en cada clase tiveron que adiviñar o/a neno/a que se agochaba tras unha cara tapada coas mans, un retrato elaborado con calcos ou unha fotografía deformada. Grazas a esta actividade e pese á súa corta idade, os alumnos recoñecen ós seus corresponsables, os seus rostros e os seus nomes.
O resto do traballo consistiu na mostra e reprodución por parte dos máis pequenos de diferentes estilos artísticos, a partir da selección dun conxunto de seis pintores españois e italianos. As obras infantís resultantes deste proxecto teñen causado a admiración dos profesores e familias, que estiveron informadas en todo momento das actividades levadas a cabo e tiveron acceso á súa publicación. Grazas a ésta ti tamén podes ver os resultados.
A perfecta organización do TwinSpace, a tradución de cada un dos materiais ós dous idiomas (español e italiano) e como non, os resultados conseguidos, reflexan a boa comunicación e colaboración establecida entre os seis profesores participantes. O seu traballo é froito dun irmandamento entre os dous centros que xa cumpliu 5 anos e que agardamos siga contribuíndo ó crecemento da acción eTwinning.
Finalmente, mantendo a metodoloxía participativa, colaborativa e creativa propia da Educación Infantil, este proxecto é un modelo de cómo participar en eTwinning con alumnos desta etapa, o que foi recoñecido cun Premio Nacional eTwinning 2010.
Enlaces:
TwinSpace público (plataforma TwinSpace antiga)
Premios eTwinning 2010
- Maths and Earth, aplicación de las matemáticas a la realidad
- Con Like a bird visita o patrimonio cultural europeo
- TRIANGULO, a percepción da agua na Península Ibérica
- Uniting through legends y la creación de cuentos colaborativos
- Schoolovision 2009, a Eurovisión escolar
- Observa a aplicación da Física e a Química con Magic but real experiments
- Acabar cos estereotipos "Sous le ciel de la compréhension"
- LED – Learning and Teaching Furniture Design in Europe, unha moderna colección de mobles
- Atraentes actividades infantís en Colours of life: common story written by children
- Creative Commons, un ensino innovador da licenza dixital
- Double-e: e-magazine on European issues, a revista dixital máis europea
- Searching Twelve Labors to Hercules, un exemplo creativo de ensino interdisciplinar
- Descubre a arte da linguaxe con CommunicArt
- Coñece toda a actualidade europea en Into news!
- Trade and logistics between countries of the European Union, una metodoloxía de simulación
- Promoción da arte Infantil, Grandi quadri e piccoli pittori, Grandes cadros e pequenos pintores
- Conservando o planeta a partir de 50 easy things you can do to save the Earth
