eTwinning na Formación Profesional
Desenvolvemento e progreso conlevan cambios que nos permiten medrar como sociedade e ampliar coñecementos pero que tamén nos obrigan, desde unha perspectiva laboral, a adaptarnos ás novas esixencias do mercado. A Formación Profesional constitúe unha etapa educativa esencial nesta tarefa de adaptación, permitindo ó alumnado obter a cualificación necesaria para desempeñar un traballo de calidade e con isto incrementar a competitividade e produtividade tan necesarias nas actuais circunstancias.
Desde o Servizo Nacional de Apoio, apostamos por unha maior presenza da Formación Profesional en proxectos eTwinning por considerar que reúne, como programa, unha serie de características que o fan idóneo para traballar e colaborar con outros centros do ámbito europeo:
- eTwinning apoia o desenvolvemento de proxectos TIC que permiten ó alumnado adquirir e aplicar de forma práctica diversas competencias dixitais. Foros, wikis, chats e videoconferencias constitúen a vía de comunicación máis usual para os nosos participantes. O traballo en eTwinning ademais fomenta a experimentación e busca de ferramentas de edición multimedia, xestores de contidos, sistemas de avaliación interactiva, así como a busca de soportes de presentación novidosos. Este afán por implementar novas ferramentas de información e comunicación no desenvolvemento de proxectos fan dos nosos participantes usuarios coñecedores das últimas novidades no sector TIC e individuos capaces de adaptarse de forma eficiente ó crecente progreso tecnolóxico.
- eTwinning permite ós alumnos a traballar en entornos colaborativos onde os participantes son elementos activos da súa propia aprendizaxe, debaten e determinan obxectivos e metas do proxecto, reformulan métodos de traballo, avalían resultados e, sobre todo, perfeccionan e amplían coñecementos a partir do traballo común do grupo. Esta forma de traballo é unha das máis apreciadas no mundo empresarial actual, sobre todo, no desenvolvemento de proxectos internacionales entre os servizos centrais e as distintas sedes dunha mesma empresa. Pensemos ademais nas enormes posibilidades de intercambiar protocolos e técnicas de traballo entre docentes e discentes para así actualizar procesos e aumentar as posibilidades de sobrevivir nun mercado laboral competitivo donde a pluralidade de ofertas e demandas é grande.
- eTwinning fomenta o contacto con culturas estranxeiras e proporciona ós seus participantes a experiencia de coñecer novas formas de pensar e estilos de vida diversos. O programa eTwinning proporciona o marco idóneo para poñer en práctica destrezas lingüísticas nun contexto real de comunicación e colaboración. Saber manexar estas experiencias e destrezas lingüísticas é esencial ante un mercado laboral internacional e globalizado.
Actualmente, a plataforma eTwinning rexistra un número de 10.600 profesores rexistrados pertencentes a estes ensinos profesionais, entre os cales se desenvolven uns 1.420 proxectos relacionados cos ámbitos da restauración e turismo, empresa e mercadotecnia, industria alimentaria, electrónica e electricidade.
Para ilustrar este artigo tomamos como exemplo proxectos destacados dalgúns dos nosos participantes.
Trade & Logistics between countries of the European Union, unha metodoloxía de simulación (2010).
Trátase dun proxecto desenvolto no ámbito da familia profesional de Comercio Internacional e Xestión Comercial e Marketing no que participou o centro navarro IES María Ana Sanz xunto con outros dous centros de ensino de Formación Profesional de Alemania e Países Baixos. Nel os alumnos tiveron a oportunidade de aprender sobre diversos contidos de economía simulando operacións de compra-venta mediante o intercambio de experiencias cos seus socios estranxeiros. Podedes ampliar información do proxecto no seguinte enlace.
PEK, the traveller flea, 1 (2011)
Proxecto desenvolto por alumnos e profesores do Ciclo de Grao Medio de FP de Sistemas Microinformáticos e Redes no que participou o IES San Clemente de Santiago de Compostela, o Centro de Profesores de Nájera (A Rioxa) xunto con outros catro centros de Grecia, Rumanía, Turquía e Francia. Trátase da elaboración dun cómic colaborativo, ben planificado e cun axeitado reparto de tarefas, desenvolto a partir de diversas ferramentas TIC de debuxo e maquetado. Podedes ampliar información sobre o proxecto no seguinte enlace.
The hole puncher (2011)
Neste proxecto abórdase o deseño, estudo e construción dunha traladradora de papel (hole puncher) no que participa o CIP Virxe do Camiño de Pamplona, pertencente ó primeiro curso do Ciclo Superior de Programación da Produción en Fabricación Mecánica, xunto con outros dous socios de Italia e Alemania. Enlace ó TwinSpace do proxecto.
Recomendámosvos visitar o enlace ó seguinte artigo onde incluímos un Kit de proxecto eTwinning para a xestión, coordinación e avaliación dunha mobilidade Leonardo da Vinci IVT, na que dous ou máis centros europeos intercambian os seus alumnos para a formación en Centros de Traballo en empresas estranxeiras.
Desde o Servizo Nacional de Apoio animamos a participación de novos proxectos eTwinning na Formación Profesional que contribúan a formar ós alumnos no desempeño dunha profesión, que lles ensinen a importancia de aprender a aprender, desenvolver iniciativas propias, comunicarse eficientemente noutra lingua e buscar solucións colaborativas para desenvolver un traballo profesional de calidade.
Fuente original de imágenes: Foter, Morgue Files,Stock.xchng, Deviant Art y fotocomposiciones a partir de imágenes de los proyectos eTwinning seleccionados.
Recomendacións
- Sinergias educativas: eTwinning como complemento al programa de Estancias Profesionales
- La evaluación en proyectos, ¡viva la rúbrica!
- Nuevos grupos en eTwinning Live
- Rúbrica para un proxecto de calidade: 6.Resultados, impacto e documentación.
- Rúbrica para un proxecto de calidade: 5. Uso da tecnoloxía
- Rúbrica para un proxecto de calidade: 4. Colaboración
- Balance eTwinning 2014/15
- La competencia digital en los alumnos
- Rúbrica para un proxecto de calidade: 3. Comunicación e interacción entre centros socios
- 33.000 usuarios registrados en School Education Gateway