Etwinning

Seguridade en Internet

Internet é actualmente un potente medio de información e en consecuencia, un indiscutible e ineludible recurso nos centros escolares para levar a cabo o proceso de ensino-aprendizaxe. Desta maneira convírtese nun reto do docente actual axudar ós alumnos no coñecemento e aprendizaxe dos beneficios e os riscos derivados deste medio.

A Comunidade Educativa atópase cun novo e apaixoante reto: asesorar e axudar ós estudantes a navegar con seguridade e criterio por Internet.

Presentamos algunhas recomendacións básicas para un uso correcto de Internet cos alumnos:

• Deseñar no centro escolar unha política de formación permanente actualizada.

• Dispor dun plan de educación en seguridade informática.

• Navegar cos alumnos: Eles imitan a conduta do docente; as reaccións e a maneira de actuar ante os distintos elementos que aparecen na pantalla (publicidade, distraccións, buscas, etc.) van ser un exemplo a seguir.

• Ensinalos a navegar con seguridade: Proporcionarlles unhas pautas claras para levar a cabo o traballo en Internet e usar filtros de seguridade (Proxy) que controlan o acceso ás  páxinas, non permitindo visitar determinadas páxinas filtradas.

• Amosarlles sitios web seguros con contidos e información veraz e adecuada á súa idade: É conveniente facilitarlles visitas a páxinas de confianza e adaptadas á súa idade,  das que poder extraer a información. Así mesmo, hai que darlles pautas para que poxdan contrastar a información obtida.

• Axudarlles a recoñecer o SPAM (publicidade non desexada) e a escapar del. Cada vez é máis frecuente o envío, en grandes cantidades, de correo lixo, sms lixo e mensaxes non solicitados, habitualmente de tipo publicitario. Isto pódese evitar en parte, por exemplo, non picando nunca nos correos electrónicos comerciais non requiridos.

• Falar frecuentemente cos alumnos  do uso e os contidos da rede.  Amosar os posibles riscos e analizar e debater o seu alcance. Internet non é un tema tabú, trátase dun medio, unha axuda a través da que podemos completar ou reforzar o traballo realizado habitualmente.

• Proporcionarlles as ferramentas que lles axudan no proceso de ensino-aprendizaxe: O traballo con Internet require a formación no uso de determinadas ferramentas como poden ser os navegadores, xestores de correo electrónico, foros, redes sociais, etc. Hai que ensinalos a utilizar con responsabilidade cada unha destas ferramentas para que poidan obter o rendemento necesario.

• Non facilitar en ningún caso os datos persoais nin o enderezo de correo electrónico: Na rede, non todo o mundo é quén parece ser. Intercambiar nomes, fotos, enderezos e teléfonos, etc. é ás veces necesario, pero tamén é arriscado e hai que tomar moitas precaucións.

• Axudarlles ante posibles problemas e tomar as medidas necesarias canto antes; incluso informar ás autoridades competentes, se houbera lugar. A forma de afrontar as dificultades daralles pautas e procedementos para o seu propio traballo.

• Establecer regras básicas para o uso das TIC no centro: O uso dos ordenadores do centro debe estar rexido por unhas normas básicas de coidado e respeto. Ademais, débense comprometer a utilizar de maneira correcta e responsable os medios que se poñen ó seu alcance. É conveniente que un membro do equipo docente estea na aula de Informática para asesorar ó alumno en todo momento e limitar o tempo de uso.

Enlaces de interese:

Navegación Segura
Protéxeos
Pantallas Amigas
Guía de redes sociais para familias. CeDeC.

 Fuente Imagen Banco de recursos del ITE cuyo autor es Félix Vallés Calvo