Voa polo Patrimonio cultural europeo

A colaboración entre os alumnos de distintos centros fixose realidade nesta actividade do proxecto Like a bird, no que participaron 11 centros de 7 países diferentes, entre eles o Centro de Educación Infantil y Primaria Ramon Macip - Dolors Granés e o Instituto de Educación Secundaria Eduard Fontseré.

Cunha selección inicial de monumentos de interese dos distintos países representados no proxecto, tres grupos de alumnos dos diferentes centros crean presentacións comúns nas que un aporta información sobre o monumento, outro  imaxes e un terceiro a súa maqueta. Na seguinte podes ver o Sanctuary of Our Lady de Polonia e os países que colaboraron en cada unha das súas partes.

Charlas curiosas sobre animais salvaxes

A seguinte actividade forma parte do proxecto Double-e: e-magazine on European issues, realizado polos alumnos do IES Aguas Vivas (Guadalajara), xunto ós seus socios rumanos e daneses.

É un vídeo que forma parte da revista dixital sobre asuntos europeos Double-e e, en concreto, da edición temática sobre a protección dos animais. Por isto, un grupo de alumnos españois puxo en boca de varios muñecos os coñecementos que tiña adquirido sobre a vida salvaxe a través da busca de información e o seu posterior debate e posta en común. Trátase en definitiva dunha diferente forma de exemplificar e poñer en escena diversos problemas e aspectos da vida cotiá, dándolle un toque de creatividade e orixinalidade.

Enlaces:

Revista dixital

Webquest

TwinSpace público (Plataforma TwinSpace antiga)

Tes traballo, Hércules

No proxecto Searching twelve labors to Hercules os alumnos do IES Vegas Bajas (Montijo, Badajoz) e os seus socios italianos, tiveron que encargarlle ó heroe mitolóxico Hércules novos traballos e axudarlle a solucionalos. Para esta misión requeriuse a utilización dunha webquest, un wiki e un blog. Especialmente destacable é a webquest, coa que se logrou unha excelente planificación e organización do traballo. Nela os alumnos non só atoparon orientacións e instruccións acerca das actividades a realizar, senón que a través dos recursos e curiosidades  publicados acerca de Hércules, ampliaron os seus coñecementos sobre Cultura Clásica e  souberon darlles unha dimensión actual.

Enlaces:

Webquest

Wiki

Blog

Espazo cidadán europeo

No proxecto eTwinning Espazo cidadán europeo realizado polo IES María Moliner de Sevilla e o EB 2,3 de Vila Caiz Amarante de Portugal atopamos unha actividade que é un exemplo perfecto de como levar a cabo unha acción colaborativa. O nome da actividade  O cambio climático na Península Ibérica e nela as aportacións de cada centro súmanse nun traballo final de calidade, contextualizado na zona xeográfica de cada centro e co sentido que lle da a cercanía das rexións implicadas. O cambio climático non entende de fronteiras.

Para participar nun proxecto eTwinning non é preciso empregar unha linguaxe común; esta actividade é tamén un bo exemplo disto. Os alumnos portugueses e españois, aproveitando a similitude dos nosos idiomas, expresáronse na súa lingua materna, o que aporta unha riqueza extra ó traballo.