Aprende divertíndote

As posibilidades que nos ofrecen as ferramentas TIC na actualidade son moi extensas. Á colaboración e comunicación entre persoas físicamente distanciadas, únese o valor creativo que aportan ás actividades. Neste sentido, destacamos o cómic que os alumnos de 3º de ESO do I.E.S. Esteban Manuel de Villegas elaboraron no proxecto How the environment affects our health, levado a cabo cun centro alemán.

Que sabes de Europa?

Os alumnos de 3º de ESO do IES Eduard Fontseré (Cataluña) realizaron unha actividade de marcado carácter colaborativo dentro do proxecto My present, my past, my future. Cunha exposición sinxela e común a moitos proxectos eTwinning, neste caso, a mostra das diferentes culturas foi  máis alá do mero intercambio. Os estudantes  españois, polacos e eslovacos investigaron a xeografía, a historia, o clima, a fauna, a flora, etc. dos seus socios e posteriormente demostraron os seus coñecementos nunha proba de avaliación a través de  chat. Cada grupo preparou 20 preguntas sobre o seu propio país  e formuloullas ós seus compañeiros europeos ¡E todos estaban ansiosos por contestalas correctamente!

Non o escribas... cóntamo!

A linguaxe corporal europea

A seguinte actividade é un diccionario comparativo de xestos, creado por un centro polaco e outro italiano como parte do proxecto Sous le ciel de la compréhension. Este diccionario posúe un grande valor, xa que amosa un excelente traballo en colaboración. Ademais, deixa entrever o diferente e á vez iguais que somos os que vivimos baixo o mesmo ceo... Sendo conscientes de que a linguaxe corporal xoga un importante papel na comunicación e que os xestos que facemos ó falar forman parte da linguaxe, os alumnos elaboran este diccionario co obxectivo de comprender as diferenzas e similitudes entre culturas. Nel, comprobaron que existen xestos idénticos en ambos países, como Silencio!. Outros, que aínda sendo iguais, non significan o mesmo, como Teño fame ou outros que só existen nalgún dos países, como o utilizado para expresar ¡Non teño nin un duro! en Polonia ou ¡Voume!, en Italia.