Etwinning

Story Between Pictures

Story Between Pictures é un proxecto eTwinning dirixido a alumnado de Primaria de 9 a 11 anos nel participan centros escolares de España, Reino Unido, Ucrania e Turquía.

A idea principal é a creación dun ebook  no que os alumnos plasman os seus descubrimentos sobre a obra pictórica de 5 artistas de recoñecido prestixio dos distintos países participantes e realizan un relato de ficción en colaboración.

O proxecto ten unha orientación interdisciplinar cunha participación activa das áreas de Linguas Estranxeiras, Música, Plástica, Teatro, Coñecemento do Medio e Informática. A través de grabacións en vídeo, presentacións e videoconferencias, practícase o uso  dunha lingua estranxeira e intercambianse aspectos socioculturais co resto dos socios.

Os alumnos,  tralas orientacións iniciais, foron os encargados de buscar a información en internet  sobre os artistas seleccionados, presentáronse ós seus compañeiros socios mediante Vokis , intercambiaron  o resultado da súa investigación mediante vídeos, imaxinativos relatos e presentacións ó tempo que comentaron en blog e foro do TwinSpace as súas valoracións do traballo do resto de socios.

Sen dúbida, un proxecto equilibrado que serviu para fomentar a dimensión europea dos centros participantes, o traballo en colaboración e as competencias básicas dos alumnos.

Fonte das imaxes: TwinSpace do proxecto Story between pictures.