Inxenio e talento eTwinning: Sync.in para escritura síncrona colaborativa
Esta nova sección 'Inxenio e talento eTwinning', pretende ser un espazo de interacción e aprendizaxe entre iguais. Un recanto para destacar as boas prácticas dos nosos 'eTwinnólogos' ávidos por experimentar e probar novas estratexias, ferramentas e propostas didácticas nos seus desenvolvementos de proxecto eTwinning.
Comezamos cunha veterana no programa eTwinning, a docente, Valentina Cuadrado Marcos, do IES Alonso de Madrigal (Ávila), que nos conta paso a paso, o proceso de traballo cunha ferramenta da web 2.0 para escritura colaborativa que usou recentemente no seu proxecto, Leyends Across Europe.
Na última fase do proxecto Comenius-eTwinning, que estamos desenvolvendo no IES Alonso de Madrigal (Ávila), Leyends Acros Europe, necesitamos un sistema para escribir un acto dunha obra de teatro, atopamos Sync.in.
Sync.in é unha ferramenta de escritura colaborativa sincrónica, é dicir en tempo real. A pesar de non ter sido deseñada para o ensino, unha vez máis e como noutros casos, por exemplo Mixbook, o mercado ofrécenos unha posibilidade moi útil.
Anteriormente, utilizaramos entre profesores Google docs, pero, para os estudantes, queríamos un sistema máis atractivo. Ó atopar Sync.in, pensamos que lles motivaría. Esta ferramenta, ademáis, permitiunos traballar co alumnado en grupos separados en canto a espazo e tempo.
Ofrece dúas opcións: unha gratuíta, que sempre é Pública, e outra Pro, que non é gratuíta. Esta opción ten 30 días gratis de proba. O noso equipo optou por utilizar a versión de proba e xeramos o enderezo: amadrigal.sync.in, que xa non está operativo posto que era a versión de proba.
Para crear unha conta de administrador, hai que rexistarse cunha conta de correo.
O administrador invita á colaboración mediante contas de correo. Cando as persoas invitadas reciben a mensaxe e acceden, xa poden comezar a colaborar.
Cada proxecto de traballo colaborativo recibe o nome de NOTE. Poden existir varios na mesma conta, aínda que todos eles terán os mesmos usuarios. A cada proxecto asignaráselle un título diferente, aínda que o enderezo sexa o mesmo.
O sitio presenta unha barra de ferramentas horizontal na parte posterior cos seguintes elementos: Note List, onde aparecerán os diferentes proxectos nos que se está traballando; Security, con opcións para o acceso a cada proxecto; Note Options, coas posibilidades para compartir; Export, que permitirá exportar o traballo en calquer momento do proceso; Saved Revisions, que facilitará a revisión de todos os momentos gardados; Time Slider, que posibilitará coñecer en qué momento se realizaron todas as colaboracións.
Cada participante selecciona unha cor, o cal permite recoñecer a autoría do escrito de forma inmediata e clara. Todas as colaboracións se gardan mediante o botón Save Now que aparece á esquerda a pantalla en cor azul, podendo volver a elas en calquer momento da edición con só picar en Saved Revisions. Abrirase unha barra con todas as aportacións gardadas, e entrando en cada unha delas podemos comprobar, corrixir ou avaliar.
A ferramenta proporciona un chat que aparece na parte inferior dereita. As conversacións visualizanse na cor que previamente se escolleu. Isto supón un valor engadido á tarefa de colaborar.
As correccións que se fagan tamén aparecerán sinaladas en cor. Esta característica facilita a tarefa de autoavaliación por parte do participante e da avaliación por parte do administrador.
Todo o traballo realizado pode revisarse en calquer momento, entrando en Saved Revisions.
O administrador ou administradora establece as vías de acceso, que poden cambiarse cando se desexe. Para isto, na barra de ferramentas da parte posterior, Security, fará o proxecto Privado -e polo tanto só terán acceso os membros do equipo de traballo- o Público, que admitirá invitados na rede. Neste caso pódese establecer un contrasinal ou deixalo Público.
Todo o traballo realizado pode exportarse como HTML o Plain Text mentres dura o proceso. Para isto entramos en Export e marcamos a opción desexada.
E pódese repasar entrando en Saved Revisions.
Time Slider é unha Liña de tempo que nos permite saber o momento no que realizou unha colaboración e a autoría da mesma. Axuda a organizar o material cronolóxicamente e a facer un seguimento do desenvolvemento xeral do proxecto, tanto desde o punto de vista das ideas como das autorías.
Finalmente, o botón en verde Share this Now ábrenos unha ventá con varias opcións para compartir, xa sexa en redes sociais ou mediante un enlace que pode enviarse por correo.
Desde o punto de vista do traballo, Sync.in é unha ferramenta sinxela de empregar que ofrece oportunidades non só de colaboración senón de debate e creatividade. Facilita o traballo en equipo e achega ós participantes de forma motivadora.
Fonte imaxes: Fotocomposición de cabeceira do Servizo Nacional de Apoio eTwinning e imaxes da ferramenta Sync.inc remitidas por Valentina Cuadrado.
Máis ferramentas TIC
- Uso de mapas mentales para estructurar la información
- Dale la vuelta a tu clase con eTwinning
- Uso responsable de recursos de Internet
- Comunidades de aprendizaxe: eTwinning
- Programación na aula con eTwinning
- Inxenio e Talento eTwinning: Presentacións con Emaze
- Ingenio y Talento eTwinning: Cacoo para integrar diagramas en proyecto eTwinning
- La importancia del aprendizaje visual: infografías en el aula
- Inxenio e Talento eTwinning: usar Pinterest nun proxecto eTwinning
- Inxenio e talento eTwinning: presentacións ferramentas 2.0 Conferencia Lisboa 2013