Etwinning

Xtranormal, se podes escribir podes facer películas

Xtranormal é unha ferramenta gratuíta para crear e compartir animacións 3D, é un entorno sinxelo e moi atractivo para crear pequenas historias a partir de texto.  O seu lema é “Se podes escribir, podes facer películas.” Unha vez escrito o diálogo da escena podes facer que a cámara se achegue ó actor principal, facer que sonría ou que entre en conversación con outro personaxe e acercar a cámara para captar o momento.

No proxecto European Cities: Past and Present, os estudantes do IES Parque Lisboa e a súa profesora, María Jesús Campos, empregaron Xtranormal para, dun xeito divertido, contar ós seus compañeiros búlgaros algúns dos lugares típicos de Madrid. Xtranormal, ademais de ser unha ferramenta moi atractiva permite que os alumnos practiquen a súa expresión escrita nunha lingua estranxeira e a súa comprensión oral, xa que unha vez feita a película poden escoitar os textos escritos en boca dos seus personaxes.

Ademais de fomentar a creatividade, unha película implica distintos traballos: exposición da historia, escritura do guión, storyboard... etc., que poden levarse a cabo colaborativamente entre varios estudantes, polo que resulta moi motivadora.