Zer erabiltzaile-mota ditugu eTwinning-en?

Bost eratako erabiltzaileak daude, bete behar duten egitekoaren arabera TwinSpace-n alta ematerakoan izendatu behar direnak.

• “Irakasle administratzailea"
• "Irakasle partaidea"
• "Ikasle administratzailea "
• "Ikasle partaidea"
• "Bisitaria"

Profil horiek noiznahi aldatu ahal izango dira.

Gehiago jakiteko:

-  http://www.etwinning.es/apls/cursos/curso_en/index.php/Documents_5.c:_Student_profiles:_student-administrator,_student-member

-  http://www.etwinning.es/apls/cursos/curso_en/index.php/Documents_6.a._Teacher_profiles

Zer da Proiektuaren Egunkaria?

Proiektuaren Egunkaria, batik bat, LZNZrekin komunikatzeko modua da. Egunkariaren helburua da irakasleek jardueren garapenaz eta ebaluazioaz idatz dezatela eta sortzen zaizkien zalantzak plantea ditzatela. Laguntza Zerbitzu Nazionalak sarrerak errebisatzen ditu, irakurtzen ditu eta agertzen diren zalantzak erantzuten ditu, irakasleei beren ideiak gauzatzen lagundu nahian. Proiektua amaitutakoan, Egunkari hori izan daiteke oinarri-dokumentu bikaina proiektuaren beraren ebaluazioa egiteko, egin nahi izanez gero.

Nola eta noiz aurkez dezaket proiektu bat Kalitate Zigilutarako?

Urtean noiznahi eska daiteke Kalitate Zigilua. Kontuan izan behar da ez dela proiektuaren ideia soilik ebaluatzen, aitzitik, lortutako emaitzak ere bai ; horregatik da komenigarria Zigilua proiektua amaitutakoan eskatzea, edo azkeneko faseetan. Zigilua ukatuz gero, eska daiteke berriro ere.

LZNZren ebaluazio-irizpideak hemen topa daitezke.

Zigiluaren eskabidea Laguntza Zerbitzu Nazionalari bidaltzeko, zure Mahaigaineko Nire proiektuak erlaitzean proiektu bakoitzaren Kalitate Zigilua eskatzeko aukera ageri da. Lotura horretatik eskuratzen da eskabide-inprimaki bat; betetakoan ebaluatzaileei iritsiko zaie.

Zer alde dago eTwinning-eko Mahaigainaren eta TwinSpace-ren artean?

eTwinning-eko Mahaigaina LZNren eta/edo LZNren weben erabiltzaile-izena eta pasahitza sartzen ditugunean agertzen den hasierako orria da. Bertatik alda dezakegu zure profila bai eta zure ikastetxearena ere, senidetzeko kideak bilatu, mezu elektronikoak jaso eta bidali, “Lineako topaketa didaktikoetan edo eTwinning-eko taldeetan izena eman eta baliabideen bibliotekan sartu.

Proiektu batean lanean ari baldin bazara, mahaigainetik sar zaitezke Proiektuaren Egunkarian, Kalitate Zigilua eskatu, TwinSpace-n sartu, kideak kudeatu edo proiektuak itxi nahiz berriro ireki.

Zure proiektuak onespena jasotakoan zuretzat eta zure kidearentzat sortutako esparru birtuala da TwinSpace. Laneko plataforma da zure TwinSpace-ko beste kide batzuekin komunikatzea (Txata, Foroa, Postontzia, Agenda) eta  proiektuko jarduerak garatzea eta argitaratzea ahalbidetzen duena. Gonbita luzatzen baldin bazaie ikasleek izan dezakete sarrera TwinSpace-n beren jarduera propioak kudeatu ahal izateko.