Ez dut jaso nire izen-ematearen berrespen mezua
ETwinning-en izena emateko lehen fasea burutakoan, plataformak mezu bat bidaltzen du guk eman dugun posta elektronikoko helbidera. Baliteke mezu hori "mezu baztergarrietan" sailkatzea eta "spam" karpetara birbidaltzea. Karpeta horretan topatzen ez baldin badugu Laguntza Zerbitzu Nazionalarekin harremanetan jarri behar dugu eta mezua berriro bidal diezaguten eskatu. Komeni da LZNZra idazten dugunean eTwinning-en erregistratzeko hasieran erabili dugun helbide bera erabiltzea. Hala egin ezean, segurtasun eta pribatutasun kontuengatik, ezin izango dizkigute behar ditugun datuak bidali.