Asmamena eta talentua eTwinning-en: Emaze-n bidez egindako aurkezpenak.
Emaze, aplikazio xumea aurkezpen txundigarriak egiteko
Ángel Luis Gallegok, Extremadurako eTwinning-en enbaxadore eta IES Vegas Bajas de Montijo (Badajoz) ikastetxean Latin irakasle denak Emaze erakusten digu, lineako aurkezpenak egiteko tresna interesarria.
Gure Autonomia Erkidegoan ematen ari garen ikastaro baterako Prezi-z bestelako programa bat erabili nahi izan nuen, baina, hala berean, bistarako hark adina indarreko programa bat. Eta Emaze hautatu nuen.
Emaze web 2.0 tresna bat da lineako aurkezpenak egiteko balio duena. Duen alde on-ona maneiatzen erraza izatea du, batetik, eta, bestetik, aldez aurretik diseinatutako plantilen ikusgarritasuna. Edozein gailutan bistaratu eta editatu daiteke (ordenagailua, tableta, smartphonea). Itzulpen tresna bat ere badu gainera. Doan eskaintzen den bertsioak 200 MB biltegiratzeko aukera ere ematen du gure proiektu guztietarako, baina eska dezakegu hezkuntza helburu duen kontu bat ere. Zure lanaren emaitza txerta daiteke zuzenean web orri batean edo gizarte sareetan.
Izena emandakoan, gure mahaigainera iritsiko gara. Hiru erlaitz topatuko ditugu bertan:
-
MY, zure aurkezpenak ikus ditzakezu bertan, eta beste aurkezpen berri bat sortu ere bai.
-
SHARE, konpartitu dituzun aurkezpenak topatuko dituzu bertan.
- EXPLORE, programako Bibliotekan gordetako beste aurkezpen publiko batzuk eskura ditzakezu bertan.
Emaze-k aukera ematen dizu .pptx aurkezpen bat gora kargatzeko, edo, programaren beraren bidez beste bat sortzeko. Nahiago badugu beste bat sortu, + klikatu behar du, eta aplikazioak eskaintzen dituen 40 inguru plantilatatik bat hautatu. Horietako batzuk 3Dn eginak dira; beste batzuek, berriz, hiru edo lau gai desberdin eskaintzen dituzte.
Plantila hautatutakoan, Emaze-k lan-mahaira eramango gaitu, eta mahai horretan tresna-barra txit intuitiboa izango dugu testu-formatu desberdinak aukeran jartzen dizkiguna, eta irudiak sartzea eta edonolako objektu moduak eta forma eta grafikoak txertatzea ahalbidetzen diguna.
Errepara iezaiozue txertatzeko aukeran eskaintzen duen material mota piloari: audioak, bideoak, mapak, animazioak, etab.
Testu batean klikatzen dugunean tresna-barra propio bat agertzen zaigu oso aukera deigarriekin, hala nola, Fx edo 3D.
Ezker aldean zeuk sortu ahala agertuko dira diapositibak. Besteren bat erantsi nahi izanez gero, saka ezazu “+ Slide” botoian. Sor ditzakezu sekzioak zeure aurkezpenaren barruan ere. Bestalde, berriz, sagua diapositiba bakoitzean ipinita agertuko zaizkizu ezabatu, bikoiztu eta konfiguratzeko aukerak.
Ez ahaztu zeure lana aldian-aldian gordetzea, eta begira iezaiozu nola geratzen den. Horretarako erabil itzazu goian eskuin aldean dauden botoiak.
Play botoiaren bidez (edota mahaigain nagusitik) balia ditzakezu partekatu, itzuli, inprimatu, behera kargatu (ordaindutako bertsioaren bidez soilik) eta bikoiztu funtzioak.
Programaren bidez parteka dezakezu zeure aurkezpena zuzenean gizarte sareetan, eta eskuratzen dizu embed kodea zeure eTwinning proiektuan txertatzeko. Hemen, behe aldean, ematen dizu aukera aurkezpena lankidetzakoa egitekoa, emaila erantsita. Tamalez, oraingoz ordainketa bidez baizik ez daiteke eskura.
Ikusten duzuenez, Emaze gure eTwinning proiektuetan erabil dezakegun tresna txit erraz eta, hala berean, txundigarria da. Jarduera askotarako erabil dezakegu, hala nola, hiztegiak, bidaia ibilbide bat sortzeko, artelanak azaltzeko, testuak aztertu edo itzultzeko, edota foro bateko eztabaidarako oinarri gisa erabiltzeko, ingurunearen irudiak edo irudi historikoak erakusteko, etab.
Emaze-ren erabilerari buruz ohar garrantzitsua:
Bai behera kargatzeko bai aurkezpen bat berean lankidetzan aritzeko ordainduta harpidetu beharra dago, irakasleen kasuan prezioak txikiagotzen badituzte ere.
Irudien iturria: Emaze tresnako pantailak.
Honekin erlazionatutako beste artikulu batzuk
IKT tresna
- Uso de mapas mentales para estructurar la información
- Dale la vuelta a tu clase con eTwinning
- Interneteko baliabideen erabilera ardurazkoa
- Ikaskuntza-komunitateak: eTwinning
- Ikasgelan eTwinning-en bidez programatzea
- Asmamena eta talentua eTwinning-en: Emaze-n bidez egindako aurkezpenak.
- eTwinning buru-argitasuna eta adimena: Cacoo, eTwinning proiektuan diagramak txertatzeko
- Ikasketa bisualaren garrantzia: infografiak ikasgelan.
- Ingenio y Talento eTwinning: usar Pinterest en un proyecto eTwinning
- Ingenio y talento eTwinning: presentaciones herramientas 2.0 Conferencia Lisboa 2013