Sor itzazu elkarreragineko jarduerak LIMen bidez.
LIM (Libros Interactivos Multimedia) tresnaren bidez sor daitezke hezkuntza-materialak liburu interaktiboaren formatuan, ingurune erraza erabiliz, eta emaitza interesgarriak lortu. LIM libre erabili eta banatu daiteke -betiere doakotasuna eta autoretza errespetatzen dela- eta bere baitan biltzen ditu jarduera editore bat (Edilim), bistaratzaile bat eta XML formatuko fitxategi bat, non definitzen diren liburuaren ezaugarriak eta osatzen duten orrialdeak.
Behar bezala funtzionatzeko, LIMek flasheko plugina behar du, baina ez dago erabiltzailearen ekipoan softwarerik instalatu beharrik, edukiak bistaratu besterik ez baitu egiten. Sortzen diren LIM liburuak argitara daitezke Interneten web-orri moduan, eta eskura daitezke berehala edozein nabigatzaileren bidez.
LIM ingurunean orrialde guztiek, deskribatzaile zein interaktiboek, antzeko itxura izan ohi dute eta elementu berak erakusten dituzte:
Tresna honek hezkuntzarako dakartzan abantailen artean, besteak beste, aipa genitzake bere ingurune intuitiboa eta ikasle eta irakasleentzat erraz erabiltzekoa. Era asko eta askotako ariketak sortzea errazten du (testu eta irudiak identifikatu eta sailkatu, hutsuneak bete, aukera anitzeko galderak, letra-salda, eta abar), eta horiei testu, irudi, soinu, bideo, lotura eta animazioak eransteko aukera. Jarduera guztiek dute autoebaluaziorako aukera, eta horrek erraztu egiten du ikasleen aurrerabidearen kontrola eta jarraipena egitea. Gainera, erabil daiteke PDA eta Arbel Digital Interaktiboetan.
Grover on Tour eTwinning-eko proiektuan dugu LIMen erabileraren adibide bat. Vagalumeko (Pontevedra) Haur Hezkuntzako Ikastetxeko ikasleek gauzatu dute proiektua, beste proiektukide poloniar, turkiar, portuges, errumaniar eta maltatar batzuekin elkarlanean. Proiektuaren oinarria ikastetxe partaide guztien eta Barrio Sesamoko Coco gizonkiloa ezagunaren arteko posta bidezko harremana da, eta ikasleek jarduerak egiten dituzte ikastetxeetan eta ikastetxeetatik kanpo. Hala, ikasle espainolen maistrak -Mela Rodríguezek- LIM eta LIMek dakartzan baliagarritasun guztiak erabili ditu esperientziaren zati handi bat laburtzeko eta proiektuaren emaitza diren jarduerak konpartitzeko. Ikasleen gogoa piztu du irudi eta soinuak identifikatzeak, puzzleak osatzeak, hutsuneak betetzeak, eta abar. Ikus dezakezu proiektu honen Liburu Multimedia Interaktiboa hemen:
http://www.chiscos.net/xestor/chs/profemela/groverontour/groverontour.html
Lehen aipatu ditugun LIMen ezaugarri horiek guztiak horrela, uste dugu erraz aplika daitekeela tresna hori hezkuntza kurrikuluko etapa batzuetan eta besteetan multimedia liburuak sortzeko.
LIMen sortzaileak -Fran Macíasek- 12 hizkuntzatara itzuli du ingurune hori, eta bertsioak aplikazioaren orrialde ofizialetik jaits daitezke: http://www.educalim.com/. Kontsultatu ahal izango duzu, gainera, bai jarduerak sortzeko prozesua xeheki bai eskuliburuak eta tutorialak, bai eta biblioteca de libros-en inspirazioa aurkitu ere, LIM baliabide didaktiko gisa erabiltzeko eskaintzen diren adibide ugaritan.
Honekin erlazionatutako beste artikulu batzuk
IKT tresna
- Uso de mapas mentales para estructurar la información
- Dale la vuelta a tu clase con eTwinning
- Interneteko baliabideen erabilera ardurazkoa
- Ikaskuntza-komunitateak: eTwinning
- Ikasgelan eTwinning-en bidez programatzea
- Asmamena eta talentua eTwinning-en: Emaze-n bidez egindako aurkezpenak.
- eTwinning buru-argitasuna eta adimena: Cacoo, eTwinning proiektuan diagramak txertatzeko
- Ikasketa bisualaren garrantzia: infografiak ikasgelan.
- Ingenio y Talento eTwinning: usar Pinterest en un proyecto eTwinning
- Ingenio y talento eTwinning: presentaciones herramientas 2.0 Conferencia Lisboa 2013