Egin ezazu hegan europar kultur ondarean zehar

Like a bird proiektuko jarduera honetan gauzatu da hainbat ikastetxetako ikasleen elkarlana. Proiektuan zazpi herritako hamaika ikastetxek parte hartu dute; besteak beste, Ramon Macip - Dolors Granés Haur eta Lehen Hezkuntzako Ikastetxeak eta Eduard Fontseré Bigarren Hezkuntzako Institutuak.

Hasieran, proiektuan zeuden herrietako monumentu interesgarrien aukeraketa bat egin zen, eta ondoren ikastetxe desberdinetako ikasle-taldeek aurkezpenak antolatu zituzten elkarlanean: batek monumentuari buruzko informazio eman, beste batek irudiak bildu eta hirugarrenak monumentuaren maketa egin. Hurrengo irudian ikus dezakezu Poloniako Sanctuary of Our Lady eta zein herrik hartu duten parte lanaren atal bakoitzean.

Basapiztiei buruzko hizketaldi bitxiak

Jarduera hau Double-e: e-magazine on European issues proiektuaren ataletako bat da,  Aguas Vivas (Guadalajara) BHIko ikasleek beren lankide errumaniar eta daniarrekin elkarlanean egina.

Europar gaiei buruzko Double-e aldizkari digitaleko atal bat da bideo hau, eta, zehazki esateko, animalien babesari buruzko edizio tematikokoa. Hala, ikasle espainiar talde batek panpin batzuen ahotan ipini ditu beraiek basa-bizitzari buruz lortutako ezagupenak, informazio bila ibili eta informazio hori eztabaidatu eta elkarri azaldu ondoren. Azken batean, eguneroko bizitzako arazo eta aspektuen adibideak ekarri eta antzezteko beste modu bat da, sormen eta originaltasun ukitu bat eman zaiona.

Loturak:

Aldizkari digitala

Webquesta
 
TwinSpace publikoa (TwinSpace lehengo plataforma)

Baduzu lana, Herkules

Searching twelve labors to Hercules proiektuan Vegas Bajas (Montijo, Badajoz) BHIko ikasleek eta beren kide italiarrek lan berri batzuk enkargatu behar izan dizkiote Herkules heroi mitologikoari eta irtenbideak bilatzen lagundu ere bai. Egiteko horretarako webquesta,  wikia eta bloga erabili behar izan dira. Bereziki azpimarratzekoa da webquesta, lanaren plana eta antolamendua ezin hobeki egitea lortzeko baliagarria izan da eta. Webquestean ikasleek burutu beharreko jardueren inguruko jarraibideak eta instrukzioak aurkitzeaz gain, Herkulesi buruz argitaratutako baliabide eta bitxikerien bidez, Kultura Klasikoaz zituzten ezagupenak handitu dituzte eta ikuspegi gaurkotuago bat eman diete. 

Loturak:

Webquesta

Wikia

Bloga

Europar herritarren esparrua

Sevillako María Moliner BHIak eta  Portugalgo Vila Caiz Amaranteko  EB 2,3 ikastetxeek prestatutako Espacio ciudadano europeo eTwinning proiektuan badugu jarduera bat  elkarlaneko ekintza bat nola burutu adibide ezin hobea dena. Jardueraren izenburua El cambio climático en la Península Ibérica da; ikastetxe bakoitzaren ekarpenak ditugu, batetik, eta horretaz gain, kalitatezko biribiltze lana, ikastetxe bakoitzaren zona geografikoaren testuinguruan kokatua eta dagokien eskualdeen hurbiltasunak ematen dion zentzuarekin. Aldaketa klimatikoak ez du mugen berri.

eTwinning proiektu batean parte hartzeko ez da nahitaezkoa hizkuntza komun bat erabiltzea; jarduera hau da horren adibide garbia. Ikasle espainiar eta portugesek, bi hizkuntzak ere bata bestearen urre samarrekoak direla aprobetxatuz, norbere ama-hizkuntzak mintzatu dira, eta horrek aparteko aberastasuna ematen dio lanari.