eTwinning proiektu baten Making of-a
Zineman, making of, film bat edo telebista-saio bat nola ekoitzi zen erakusten duen bideo-dokumentala da. Making of laburrenak sarritan ekoizketa-prozesua azaltzeko eta filmaketan parte hartu dutenei beren lana aitortzeko egin ohi dira. Baina, zer ikusteko du horrek eTwinning proiektuekin? Gero eta proiektu gehiago topatzen ditugu ikasleek egiten dituzten jardueren ugaritasuna ezaugarri dutenak -diapositiba aurkezpenak, wikiak, blogak, chatak, bideokonferentziak-. Alabaina, ez da beti ikusi ahal izaten nola egin diren edo nola antolatu izan diren. Proiektu batean parte hartu ez duenarentzat beti izaten da interesgarria, beste taldekide bat balitz bezalaxe, prozesua ikusi ahal izatea, parte hartu dutenak ikustea, baliatu diren bitartekoak, eta abar.
Proiektu batzuetan hasiak dira bideoen bidez ikasleek egiten dituzten jardueretako batzuk dokumentatzen; batez ere, erregistro bat edukitzea zail den jarduerak, hala nola, bideokonferentziak edo chatak. Hala egin du, esate baterako, Día a Día proiektuan Mar Bermejo maistrak, Madrilgo San Juan Bautista HLHIkoak: Lehen Hezkuntzako bere ikasleek proiektuan lankide dituztenekin egin dituzten bideokonferentziak grabatu ditu.
Nahiz eta zail samarra iruditu bati, ez da hain gauza zaila horrelako bideo dokumentalak egitea; izan daitezke prozesua azaltzen duten bideoak edo diapositiba eta irudi bidezko aurkezpenak. Aurkezpen-bideo baten adibidea topatuko dugu honako proiektu honetan: Europe: Reading is also the Future - Europa: La Lettura è anche il Futuro - Europa: A Lectura tamén é o Futuro, Tremañes Ikastetxeko Haur Hezkuntzako Taldeak egindakoan. Proiektu horretan egin duten jardueretako bat ikasle espainiarren eta horien lankide italiarren artean irakurzaletasuna bultzatzeko kartelak izan dira, eta bideo honetan jarduera hori nola gauzatu den kontatzen digute.
Horrelako dokumentuak egiteak alderdi bat du ona: ahalbidetzen diegu bestei, dela irakasleei dela eskola-elkarteko gainerako kideei, hala nola, gure ikasleen gurasoei, gure jardueraren emaitza bistaratzeaz gain, ikusle eran jarduera hori garatzen ikusi ahal izatea. Beste alde batetik, berriz, besteei erakusten ari garen jardueran edo proiektuan egin duten lana aitortzen diegu ikasle eta irakasleei, zer irudipen utzi diguten, zer ikasi dugun, eta abar. Horren adibide bat dugu Teaching each other proiektuaren ebaluazioan, Galiziako Poioko BHIko Carmen Fernándezek koordinatuan.
LZNZetik bihotz ematen dizuegu egiten dituzuen jarduera edo proiektuen "making of" dokumentuak egin ditzazuen. Aipatu dizkizuegun onurez gain, baliagarri izango zaizkizue proiektuaren ebaluazioa egitean eta Kalitate Zigiluan eskatzerakoan.
Honekin erlazionatutako beste artikulu batzuk
Beste harribitxi
- eTwinning-eko proiektu bat Google Docs-en bidez planifikatu
- Story Between Pictures
- Mitos de ayer y hoy
- 'Personalizando' eTwinning
- Un mar de culturas: proyecto eTwinning de plurilingüismo en Educación infantil.
- Narrando con símbolos
- Concierto pictórico en Aranjuez
- eTwinning 2.0 ikastaroaren 13. edizioa: proiektuak egiteko ideiak
- Gran colección de arte eTwinning
- 12ª edición del curso eTwinning 2.0: ideas de proyecto
- Algo más que Matemáticas
- eTwinning proiektu baten Making of-a
- eTwinning 2.0 ikastaroko proiektuak egiteko ideiak
- Jolas eginez ikasi
- Hizkuntza eta gizarte gaietarako elkarlaneko jarduerak
- Actividades colaborativas para Matemáticas y Ciencias
- Presentarse ¿quién está al otro lado?
- Cómics para el aula
- Las matemáticas aplicadas a la vida real
- Diseñar y planificar colaborativamente un proyecto